Jana Gana Mana release: നീണ്ട കാത്തിരിപ്പിനൊടുവില്‍ പൃഥ്വിരാജ്‌, സുരാജ്‌ വെഞ്ഞാറമൂട്‌ എന്നിവര്‍ കേന്ദ്രകഥാപാത്രങ്ങളായെത്തുന്ന 'ജന ഗണ മന' തിയേറ്ററുകളില്‍. വേള്‍ഡ്‌ വൈഡ്‌ റിലീസായാണ് ചിത്രം പ്രേക്ഷകര്‍ക്ക്‌ മുമ്പിലെത്തിയിരിക്കുന്നത്‌. ഡ്രൈവിങ്‌ ലൈസന്‍സിന് ശേഷം പൃഥ്വിരാജും സുരാജ്‌ വെഞ്ഞാറമൂടും ഒരിക്കല്‍ കൂടി ഒന്നിക്കുന്ന ചിത്രം കൂടിയാണ് 'ജന ഗണ മന'.
Jana Gana Mana Pre Release Teaser: റിലീസിനോടനുബന്ധിച്ച്‌ ചിത്രത്തിന്‍റെ പ്രീ റിലീസ്‌ ടീസര്‍ കഴിഞ്ഞ ദിവസം അണിയറപ്രവര്‍ത്തകര്‍ പുറത്തുവിട്ടിരുന്നു. പൃഥ്വിരാജ്‌ തന്നെയാണ്‌ പ്രീ റിലീസ്‌ ടീസര്‍ ആരാധകര്‍ക്കായി പങ്കുവച്ചത്‌. 'നിയമവും നീതിയും എല്ലായ്‌പ്പോഴും ഒരുപോലെയല്ല!' എന്ന അടിക്കുറിപ്പോടെയാണ് പൃഥ്വിരാജ്‌ പ്രീ റിലീസ്‌ ടീസര്‍ പങ്കുവച്ചത്‌.
Jana Gana Mana cast and crew: രണ്ട്‌ ഭാഗങ്ങളിലായാണ് ചിത്രം റിലീസ്‌ ചെയ്യുക. ശ്രീ ദിവ്യ, ധ്രുവന്‍, ശാരി, പശുപതി, രാജ കൃഷ്‌ണമൂര്‍ത്തി, അഴകം പെരുമാള്‍, വിനോദ്‌ സാഗര്‍, വിന്‍സി അലോഷ്യസ്‌, മിഥുന്‍, വിജയകുമാര്‍, ഹരി കൃഷ്‌ണന്‍, വൈഷ്‌ണവി വേണുഗോപാല്‍, ബെന്‍സി മാത്യൂസ്‌, ചിത്ര അയ്യര്‍, ധന്യ അനന്യ, ദിവ്യ കൃഷ്‌ണ, നിമിഷ, ജോസ്‌കുട്ടി ജേക്കബ്‌ തുടങ്ങിയവര്‍ ചിത്രത്തില്‍ അണിനിരക്കുന്നു.
ഡിജോ ജോസ്‌ ആന്‍റണിയാണ് സംവിധാനം. ഷാരിസ്‌ മുഹമ്മദിന്‍റേതാണ് രചന. പൃഥ്വിരാജ്‌ പ്രൊഡക്ഷന്‍സിന്‍റെ ബാനറില്‍ സുപ്രിയ മേനോനും മാജിക്‌ ഫ്രെയിംസിന്‍റെ ബാനറില്‍ ലിസ്‌റ്റിന്‍ സ്‌റ്റീഫനും ചേര്‍ന്നാണ് നിര്‍മാണം. സുദീപ്‌ ഇളമണ്‍ ഛായാഗ്രഹണവും ശ്രീജിത്ത്‌ സാരംഗ്‌ എഡിറ്റിങും നിര്‍വഹിക്കും. ജേക്‌സ്‌ ബിജോയ്‌ ആണ് സംഗീതം.
Also Read:വേണ്ടി വന്നാല്‍ വോട്ടും നിരോധിക്കും, കാരണം ഇത് ഇന്ത്യയല്ലേ..? നീതിക്കായി പകവീട്ടി പൃഥ്വിരാജ്‌
