Pathonpatham Noottandu trailer: സിജു വില്‍സണെ നായകനാക്കി വിനയന്‍ ഒരുക്കുന്ന പീരീഡ്‌ ഡ്രാമ ചിത്രം 'പത്തൊന്‍പതാം നൂറ്റാണ്ടി'ന്‍റെ ട്രെയ്‌ലര്‍ പുറത്തിറങ്ങി. പത്തൊന്‍പതാനം നൂറ്റാണ്ടിനെ പുനസൃഷ്‌ടിച്ച് വലിയ ക്യാന്‍വാസില്‍ മികച്ച ആക്ഷന്‍ രംഗങ്ങളോട്‌ കൂടിയുള്ള ട്രെയ്‌ലറാണ് പുറത്തിറക്കിയത്.
19ാം നൂറ്റാണ്ടില്‍ സ്‌ത്രീകള്‍ മാറുമറച്ചാല്‍ അവരുടെ മാറ് മുറിക്കപ്പെടുന്നതും താഴ്ന്ന ജാതിക്കാരോട് മേല്‍ ജാതിക്കാര്‍ കാണിച്ചിരുന്ന അയിത്തവുമെല്ലാം വരച്ചുകാട്ടുന്ന 2.44 മിനിറ്റ്‌ ദൈര്‍ഘ്യമുള്ള ട്രെയ്‌ലറാണ് പുറത്തിറങ്ങിയത്. 'അധികാരം ഉണ്ടെന്നുവച്ച് മനുഷ്യരെ കീടങ്ങളായി കാണരുത്' -എന്ന് സിജു വില്‍സന്‍റെ കഥാപാത്രം പറയുന്ന ഡയലോഗും ട്രെയ്‌ലറിലുണ്ട്.