നാല് വര്‍ഷങ്ങള്‍ക്ക് ശേഷമുള്ള ഷാരൂഖ് ഖാന്‍റെ തിരിച്ചുവരവ് എസ്‌ആര്‍കെ ആരാധകര്‍ ശരിക്കും ആഘോഷമാക്കി. ജനുവരി 25ന് തിയേറ്ററുകളിലെത്തിയ 'പഠാന്' മികച്ച പ്രതികരണമാണ് തിയേറ്ററുകളില്‍ നിന്നും ലഭിച്ചു കൊണ്ടിരിക്കുന്നത്. സമീപകാല ബോളിവുഡ് ബോക്‌സ്‌ഓഫീസ് കലക്ഷന് ആശ്വാസമാണ് 'പഠാന്‍റെ' കലക്ഷന്.
'പഠാനി'ല്‍ അതിഥി വേഷത്തില്‍ സല്‍മാന്‍ ഖാനും എത്തിയിരുന്നു. അതിഥി വേഷമായിരുന്നെങ്കിലും സല്‍മാന്‍ ഖാന്‍ തന്‍റെ വേഷം മികച്ചതാക്കിയിരുന്നു. ആരാധകരില്‍ നിന്നും നിരൂപകരില്‍ നിന്നും സിനിമയ്‌ക്ക് മികച്ച പ്രതികരണങ്ങളാണ് ലഭിച്ചുകൊണ്ടിരിക്കുന്നത്.
'പഠാന്' ലഭിച്ചു കൊണ്ടിരിക്കുന്ന പോസിറ്റീവ് പ്രതികരണങ്ങള്‍ക്ക് സല്‍മാന്‍ ഖാനും ഒരു കാരണമാണ് എന്നാണ് റിപ്പോര്‍ട്ടുകള്‍. ട്രേഡ് അനലിസ്‌റ്റ് ശ്രീധകര്‍ പിള്ളയാണ് ഇക്കാര്യം ട്വീറ്റ് ചെയ്‌തിരിക്കുന്നത്.
'പഠാനി'ലെ സല്‍മാന്‍ ഖാന്‍റെ അതിഥി വേഷം മികച്ച ഇംപാക്‌ട് ഉണ്ടാക്കിയിട്ടുണ്ടെന്നും, ചിത്രത്തിലെ ഷാരൂഖ് ഖാന്‍ - സല്‍മാന്‍ ഖാന്‍ ബന്ധവും ഒത്തൊരുമയും സിനിമയുടെ ക്ലൈമാക്‌സിനെ കൂടുതല്‍ മനോഹരമാക്കിയെന്നും കാണികളില്‍ സന്തോഷം ഉണ്ടാക്കിയെന്നും ശ്രീധര്‍ പിള്ള പറയുന്നു.
Also Read:തകര്‍പ്പന്‍ പ്രേക്ഷക പിന്‍തുണയുമായി റെക്കോഡിട്ട് 'പഠാന്' ; ആദ്യ ദിനത്തില്‍ 55 കോടി
