ഈ നിവിനെ പ്രേക്ഷകര്‍ ഇഷ്‌ടപ്പെടുമോ? ചിരിപ്പിക്കാനൊരുങ്ങി കിറുക്കനും കൂട്ടുകാരും, ടീസര്‍

Saturday Night teaser: സാറ്റര്‍ഡേ നൈറ്റ്‌ ടീസര്‍ റിലീസ് ചെയ്‌തു. റിലീസിന് മുന്നോടിയായാണ് ചിത്രത്തിന്‍റെ ടീസര്‍ അണിയറപ്രവര്‍ത്തകര്‍ പുറത്തുവിട്ടത്.

Saturday Night teaser: നിവിന്‍ പോളിയെ കേന്ദ്രകഥാപാത്രമാക്കി റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രമാണ് 'സാറ്റര്‍ഡേ നൈറ്റ്‌'. റിലീസിനോടടുക്കുന്ന സിനിമയുടെ ടീസറാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. നിവിന്‍ പോളിയുടെ ഇതുവരെ കാണാത്ത വേറിട്ട ഹാസ്യ കഥാപാത്രമായിരിക്കും 'സാറ്റര്‍ഡേ നൈറ്റി'ലേതെന്നാണ് ടീസര്‍ നല്‍കുന്ന സൂചന.

Saturday Night tagline: 'കിറുക്കനും കൂട്ടുകാരും' എന്ന ടാഗ്‌ ലൈനോടു കൂടിയാണ് ടീസര്‍ പുറത്തിറങ്ങിയത്. കോമഡി എന്‍റര്‍ടെയ്‌നര്‍ വിഭാഗത്തിലായാണ് ചിത്രം ഒരുങ്ങുന്നത്. പുത്തന്‍ തലമുറ യുവാക്കളുടെ സൗഹൃദത്തിന്‍റെ കഥ പറയുന്ന ചിത്രം വളരെ കളര്‍ഫുള്‍ ആയാണ് സംവിധായകന്‍ ഒരുക്കിയിരിക്കുന്നത്.

Saturday Night actors: നിവിന്‍ പോളിയെ കൂടാതെ അജു വര്‍ഗീസ്, സൈജു കുറുപ്പ്, സിജു വില്‍സണ്‍, സാനിയ അയ്യപ്പന്‍, ഗ്രേസ്‌ ആന്‍റണി, മാളവിക ശ്രീനാഥ്, പ്രതാപ് പോത്തന്‍, വിജയ് മേനോന്‍, അശ്വിന്‍ കുമാര്‍ തുടങ്ങിയവരും സുപ്രധാന വേഷത്തിലെത്തും.

Saturday Night release: നവംബര്‍ നാലിന് ചിത്രം തിയേറ്ററുകളിലെത്തുന്നത്. വിശാലമായ കാന്‍വാസില്‍ വലിയ മുതല്‍മുടക്കിലാണ് ചിത്രം ഒരുക്കിയിരിക്കുന്നത്. ദുബായ്‌, ബെംഗളൂരു, മൈസൂര്‍, ബെല്ലാരി, ചിത്രദുര്‍ഗ തുടങ്ങിയവിടങ്ങളിലായായിരുന്നു ചിത്രീകരണം.

Saturday Night team: അജിത്ത് വിനായക ഫിലിംസിന്‍റെ ബാനറില്‍ വിനായക അജിത്ത് ആണ് നിര്‍മാണം. നവീന്‍ ഭാസ്‌കര്‍ ആണ് രചന നിര്‍വഹിച്ചിരിക്കുന്നത്. അസ്ലംപുരയില്‍ ഛായാഗ്രഹണവും ടി.ശിവ നന്ദീശ്വരന്‍ എഡിറ്റിംഗും നിര്‍വഹിച്ചിരിക്കുന്നു. ജേക്ക്‌സ്‌ ബിജോയ് ആണ് സംഗീതം.

Rosshan Andrews Nivin pauly combo: റോഷന്‍ ആന്‍ഡ്രൂസിന്‍റെ ആദ്യത്തെ ഹ്യൂമര്‍ ചിത്രം കൂടിയാണിത്. നാല് വര്‍ഷങ്ങള്‍ക്ക് ശേഷമാണ് നിവിന്‍ പോളി-റോഷന്‍ ആന്‍ഡ്രൂസ് കൂട്ടുകെട്ട് വീണ്ടും ഒന്നിച്ചത്. 'കായംകുളം കൊച്ചുണ്ണി' (2018) ആയിരുന്നു ഈ കൂട്ടുകെട്ടില്‍ പിറന്ന ആദ്യ ചിത്രം.