Mohanlal remembering John Paul: അന്തരിച്ച പ്രശസ്‌ത തിരക്കഥാകൃത്ത്‌ ജോണ്‍ പോളിനെ അനുസ്‌മരിച്ച്‌ മോഹന്‍ലാല്‍. ഉള്‍ക്കരുത്തുള്ള തിരക്കഥകളിലൂടെ മലയാള സിനിമയ്ക്ക് പുതിയ ഭാവുകത്വം പകര്‍ന്നു നല്‍കിയ അത്യപൂര്‍വ പ്രതിഭാശാലിയായിരുന്നു ജോണ്‍ പോള്‍ എന്ന്‌ മോഹന്‍ലാല്‍. അദ്ദേഹത്തിന്‍റെ നിരവധി കഥാപാത്രങ്ങള്‍ക്ക്‌ ജീവന്‍ നല്‍കാന്‍ സാധിച്ചത് മഹാഭാഗ്യമായി കരുതുന്നതായും മോഹന്‍ലാല്‍ പറഞ്ഞു. ഫേസ്‌ബുക്കിലൂടെയാണ് ജോണ്‍ പോളിന് അനുശോചനം രേഖപ്പെടുത്തി താരം രംഗത്തെത്തിയത്‌.
Mohanlal's heartfelt note on John Paul: 'പ്രിയപ്പെട്ട ജോൺപോളേട്ടൻ നമ്മളെ വിട്ടുപിരിഞ്ഞു. ഉൾക്കരുത്തുള്ള തിരക്കഥകളിലൂടെ മലയാള സിനിമയ്ക്ക് പുതിയ ഭാവുകത്വം പകർന്നു നൽകിയ അത്യപൂർവ പ്രതിഭാശാലിയായിരുന്ന അദ്ദേഹത്തിന്‍റെ നിരവധി കഥാപാത്രങ്ങൾക്ക് ജീവൻ നൽകാൻ സാധിച്ചത് മഹാഭാഗ്യമായി കരുതുന്നു. മനുഷ്യബന്ധങ്ങളെ ആഴത്തിൽ സ്‌പർശിക്കുന്ന എത്രയെത്ര കഥാപരിസരങ്ങളാണ് അദ്ദേഹം നമുക്ക് സമ്മാനിച്ചത്. സുന്ദരമായ പുഞ്ചിരിയിലൂടെ, അതിലും സുന്ദരമായ ഭാഷയിലൂടെ മലയാളികളുടെ ഹൃദയം കവർന്ന ആ വലിയ കഥാകാരന് കണ്ണീരിൽ കുതിർന്ന പ്രണാമം.' -മോഹന്‍ലാല്‍ കുറിച്ചു.