Monster movie banned: നീണ്ട കാത്തിരിപ്പിനൊടുവില്‍ തിയേറ്ററുകളിലെത്തിയ മോഹന്‍ലാലിന്‍റെ സസ്‌പെന്‍സ്‌ ത്രില്ലര്‍ ചിത്രമാണ് 'മോണ്‍സ്‌റ്റര്‍'. ആദ്യ പ്രദര്‍ശനങ്ങള്‍ കഴിഞ്ഞപ്പോള്‍ മികച്ച പ്രതികരണമാണ് ചിത്രത്തിന് ലഭിക്കുന്നത്. റിലീസ് ദിനം കേരളത്തിലെ തിയേറ്ററുകളില്‍ 'മോണ്‍സ്‌റ്റര്‍' ഹൗസ്‌ഫുള്ളായി ഓടുമ്പോള്‍ ചില വിദേശ രാജ്യങ്ങളില്‍ സിനിമയ്ക്ക് വിലക്കേര്‍പ്പെടുത്തിയിരിക്കുകയാണ്.
Monster banned in gulf countries: അഞ്ച് വിദേശ രാജ്യങ്ങളിലാണ് സിനിമയ്ക്ക് വിലക്ക്. സൗദി അറേബ്യ, ഒമാന്‍, ഖത്തര്‍, ബഹ്‌റൈന്‍, കുവൈത്ത് എന്നീ ഗള്‍ഫ് രാജ്യങ്ങളിലാണ് 'മോണ്‍സ്‌റ്ററി'ന് വിലക്കേര്‍പ്പെടുത്തിയത്. ഈ അഞ്ച് രാജ്യങ്ങളിലും സിനിമയുടെ സെന്‍സറിങ് തള്ളിയിട്ടുണ്ട്.
Monster Dubai release: എല്‍ജിബിടിക്യൂ സമൂഹവുമായി ബന്ധപ്പെട്ട കഥയിലെ ഭാഗമാണ് വിലക്കിന് കാരണം. അതേസമയം ദുബായില്‍ ചിത്രത്തിന് റിലീസിംഗ് അനുമതി ലഭിക്കാന്‍ സാധ്യതയുണ്ടെന്നാണ് റിപ്പോര്‍ട്ടുകള്‍. എന്നാല്‍ ദുബായിലെ റിലീസ് തീയതി ഇനിയും പുറത്തുവിട്ടിട്ടില്ല.