12th Man Trailer: മോഹന്‍ലാല്‍ ജീത്തു ജോസഫ്‌ കൂട്ടികെട്ടിലൊരുങ്ങുന്ന 'ട്വല്‍ത്ത്‌ മാനി'നായുള്ള കാത്തിരിപ്പിലാണ് നാളേറെയായി ആരാധകര്‍. 'ദൃശ്യം 2'ന്‌ ശേഷം ഈ കൂട്ടുകെട്ടിലൊരുങ്ങുന്ന ചിത്രത്തിന്‍റെ ട്രെയ്‌ലര്‍ പുറത്തിറങ്ങി. ഏറെ നിഗൂഢതകളും സംശയങ്ങളും ജനിപ്പിക്കുന്ന 2.27 മിനിറ്റ്‌ ദൈര്‍ഘ്യമുള്ള ട്രെയ്‌ലറാണ് അണിയറപ്രവര്‍ത്തകര്‍ പുറത്തുവിട്ടത്‌. ഒരു ത്രില്ലര്‍ ചിത്രമാകും 'ട്വല്‍ത്ത്‌ മാന്‍' എന്നാണ് ട്രെയ്‌ലര്‍ നല്‍കുന്ന സൂചന.
12th Man OTT Release: ചിത്രത്തിന്‍റെ റിലീസ്‌ തീയതിയും അണിയറപ്രവര്‍ത്തകര്‍ പുറത്തുവിട്ടിട്ടുണ്ട്‌. ഹോട്ട്‌സ്‌റ്റാറിലൂടെ ഡയറക്‌ട്‌ റിലീസായി മെയ്‌ 20നാണ് ചിത്രം പ്രേക്ഷകര്‍ക്ക്‌ മുമ്പിലെത്തുക. ട്രെയ്‌ലറിലൂടെ റിലീസ്‌ തീയതി പുറത്തുവിടുകയായിരുന്നു അണിയറപ്രവര്‍ത്തകര്‍.
Mohanlal Jeethu Joseph movie: മിസ്‌റ്ററി ത്രില്ലര്‍ വിഭാഗത്തിലായാണ്‌ ചിത്രം ഒരുങ്ങുന്നത്‌. സ്വന്തം തിരക്കഥയിലല്ലാതെ ജീത്തു ജോസഫ്‌ സംവിധാനം ചെയ്യുന്ന ആദ്യ മോഹന്‍ലാല്‍ ചിത്രമെന്ന പ്രത്യേകതയോടു കൂടിയാണ് 'ട്വല്‍ത്ത്‌ മാന്‍' റിലീസിനെത്തുന്നത്‌. ടൈറ്റില്‍ കഥാപാത്രത്തിലാണ് ചിത്രത്തില്‍ മോഹന്‍ലാല്‍ പ്രത്യക്ഷപ്പെടുക. അഞ്ച്‌ നായികമാരാണ് സിനിമയില്‍.