Rorschach OTT release: വ്യത്യസ്‌തമാര്‍ന്ന കഥ പറച്ചിലിലൂടെ പ്രേക്ഷകപ്രീതി നേടിയ ചിത്രമാണ് മമ്മൂട്ടി നായകനായെത്തിയ 'റോഷാക്ക്'. ഒക്‌ടോബര്‍ ഏഴിന് റിലീസിനെത്തിയ ചിത്രത്തിന് ഇപ്പോഴും തിയേറ്ററുകളില്‍ നിന്നും മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. തിയേറ്റര്‍ വിജയമായ 'റോഷാക്ക്' ഇനി ഒടിടി പ്ലാറ്റ്‌ഫോമിലും എത്തുകയാണ്.
Rorschach on Hotstar: നവംബര്‍ 11ന്‌ ഡിസ്‌നി പ്ലസ്‌ ഹോട്ട്‌സ്‌റ്റാറിലൂടെയാണ് 'റോഷാക്ക്' സ്‌ട്രീമിങ്‌ ആരംഭിക്കുക. ഡിസ്‌നി പ്ലസ്‌ ഹോട്ട്‌സ്‌റ്റാര്‍ തങ്ങളുടെ ഔദ്യോഗിക ട്വിറ്റര്‍ പേജിലൂടെയാണ് സിനിമയുടെ ഒടിടി റിലീസിനെ കുറിച്ച് അറിയിച്ചിരിക്കുന്നത്. 'റോഷാക്കി'ന്‍റെ ട്രെയിലര്‍ പങ്കുവച്ച് കൊണ്ടാണ് ഹോട്ട്‌സ്‌റ്റാറിന്‍റെ പോസ്‌റ്റ് വന്നത്.