മുംബൈ:തെന്നിന്ത്യന്‍ ആരാധകരുടെ നീണ്ട കാത്തിരിപ്പിനൊടുവില്‍ തിയേറ്ററുകളിലെത്തിയ ചിത്രമാണ് 'കെജിഎഫ്‌ 2'. ലോകമെമ്പാടുമുള്ള തിയേറ്ററുകളെ ഇളക്കി മറിച്ചുകൊണ്ടാണ് 'കെജിഎഫ്‌ 2' വരവറിയിച്ചത്‌. പ്രതീക്ഷയ്ക്ക് അപ്പുറമായിരുന്നു തീയേറ്ററുകളില്‍ ചിത്രത്തിന് ലഭിച്ച സ്വീകരണം.
KGF 2 makers next venture: 'കെജിഎഫ്‌ 2'ന് ശേഷം 'കെജിഎഫ്‌ 3' നായി കാത്തിരുന്നവര്‍ക്ക്‌ മറ്റൊരു സന്തോഷ വാര്‍ത്തയുമായാണ് 'കെജിഎഫ്‌' അണിയറപ്രവര്‍ത്തകര്‍ എത്തിയിരിക്കുന്നത്‌. 'കെജിഎഫ്‌ 2'ന് ശേഷം പുതിയ കന്നഡ ആക്ഷന്‍ ചിത്രത്തിന്‍റെ പ്രഖ്യാപനം നടത്തിയിരിക്കുകയാണ് ഹോംബാലെ ഫിലിംസ്‌. 'ബഗീര' എന്ന് പേരിട്ടിരിക്കുന്ന ചിത്രമാണ് അടുത്ത പ്രോജക്‌ട്‌. 'ബഗീര'യുടെ ചിത്രീകരണം ആരംഭിച്ചതായി അണിയറപ്രവര്‍ത്തകര്‍ അറിയിച്ചു.
Prasanth Neel announces Bagheera: 'ബഗീര'യുടെ ക്ലാപ്പ്‌ ബോര്‍ഡിന്‍റെ ചിത്രത്തിനൊപ്പം സിനിമയെ കുറിച്ചുള്ള മറ്റ് വിവരങ്ങളും പ്രശാന്ത് നീല്‍ അദ്ദേഹത്തിന്‍റെ ഔദ്യോഗിക ട്വിറ്റര്‍ ഹാന്‍ഡിലില്‍ പങ്കുവച്ചിട്ടുണ്ട്‌. 'ഇതെന്‍റെ മികച്ച ചിത്രങ്ങളില്‍ ഒന്നാകുമെന്ന് എനിക്കറിയാം.' -പ്രശാന്ത് നീല്‍ കുറിച്ചു. 'ബഗീര'യുടെ പൂജയും നടന്നു. ഇതിന്‍റെ ചിത്രങ്ങളും അദ്ദേഹം പങ്കുവച്ചിട്ടുണ്ട്‌. ടീം അംഗങ്ങള്‍ക്ക്‌ ആശംസകള്‍ നേരാനും അദ്ദേഹം മറന്നില്ല.
Ugram fame Srii Murali will lead in Bagheera: ആക്ഷന്‍ ത്രില്ലറായി ഒരുങ്ങുന്ന 'ബഗീര'യുടെ രചന പ്രശാന്ത് നീല്‍ ആണ് നിര്‍വഹിക്കുക. ഡോ.സുരി ആണ് സംവിധാനം. 'ഉഗ്രം' ഫെയിം ശ്രീ മുരളിയാണ് 'ബഗീര'യിലെ നായകന്‍. ഹൈദരാബാദിലും കര്‍ണാടകയിലുമായാണ് ചിത്രീകരണം.