തൃശ്ശൂര്‍: ടൂറിങ് ടാക്കീസുകളില്‍ നിന്നും മലയാളികളെ ആദ്യമായി ഒരു കുടക്കീഴില്‍ ഒന്നിച്ചിരുത്തി സിനിമകള്‍ കാണിച്ച ചരിത്രം തൃശൂർ ജോസിന് മാത്രം അവകാശപ്പെട്ടതാണ്. കാര്‍ബണ്‍ വെളിച്ചത്തിനൊപ്പം ഫിലിമുകള്‍ കറങ്ങിയിരുന്ന ജോസിലെ വര്‍ഷങ്ങള്‍ പഴക്കമുള്ള 'വെസ്ട്രക്‌സ്' പ്രൊജക്റ്റര്‍ ഇന്നും ഇവിടെ സൂക്ഷിച്ചിട്ടുണ്ട്. 1930ല്‍ കാട്ടൂക്കാരന്‍ വാറുണ്ണി ജോസഫാണ് തൃശ്ശൂര്‍ റൗണ്ടില്‍ ജോസ് തിയേറ്റര്‍ തുടങ്ങിയത്.
തൃശ്ശൂര്‍ ജോസ് തിയേറ്ററിന്‍റെ മുഖം മാറുന്നു
തിയേറ്ററിന്‍റെ നിലവിലെ മേല്‍നോട്ടം പോള്‍ മോഹനാണ്. ആധുനിക 4k ക്രിസ്റ്റി സിപി 4330 ലേസര്‍ പ്രൊജക്‌ടറിലൂടെയാണ് ജോസില്‍ സിനിമ ഇനി തിരശീലയിലെത്തുക. ഒരു കോടിരൂപയാണ് പ്രൊജക്‌ടറിന്‍റെ മാത്രം വില.