Kamal Haasan birthday: അറുപത്തി എട്ടാം പിറന്നാള്‍ നിറവിലാണ് ഉലകനായകന് കമല്‍ ഹാസന്. താരത്തിന്‍റെ ജന്മദിനം ആഘോഷിക്കുകയാണ് ഇന്ത്യന്‍ സിനിമ ലോകം. കേരള മുഖ്യമന്ത്രി പിണറായി വിജയനും താരത്തിന് പിറന്നാള്‍ ആശംസകള്‍ നേര്‍ന്നു. ഞങ്ങളെ നിങ്ങള്‍ അത്ഭുതപ്പെടുത്തുകയാണെന്നാണ് മുഖ്യമന്ത്രി കുറിച്ചത്. ട്വിറ്ററിലൂടെയായിരുന്നു മുഖ്യമന്ത്രിയുടെ ജന്മദിനാശംസ.
Pinarayi Vijayan birthday wishes to Kamal Haasan: 'പ്രിയ കമല്‍ ഹാസന് ജന്മദിനാശംസകള്‍. സമാനതകളില്ലാത്ത കലാകാരനായ നിങ്ങള്‍ ഞങ്ങളെ അത്ഭുതപ്പെടുത്തി കൊണ്ടിരിക്കുകയാണ്. ജനാധിപത്യപരവും മതേതരവുമായ മൂല്യങ്ങളോടുള്ള നിങ്ങളുടെ അചഞ്ചലമായ വിധേയത്വം ഞങ്ങളെ പ്രചോദിപ്പിക്കുന്നു. ആയുരാരോഗ്യ സൗഖ്യത്തോടെ വര്‍ഷങ്ങളോളം സുഖമായിരിക്കട്ടെ', മുഖ്യമന്ത്രി ട്വീറ്റ് ചെയ്‌തു.
Mammootty wished Kamal Hasaan: മെഗാസ്‌റ്റാര്‍ മമ്മൂട്ടിയും കമല്‍ ഹാസന് പിറന്നാള്‍ ആശംസകള്‍ നേര്‍ന്നിട്ടുണ്ട്. 'പ്രിയ കമല്‍ ഹാസന്, നിങ്ങള്‍ക്ക് ജന്മദിനാശംസകള്‍ നേരുന്നു. ഒരു മികച്ച വര്‍ഷം ആകട്ടെ ഇത്. ആരോഗ്യവാനായിരിക്കുക. എന്നും അനുഗ്രഹിക്കപ്പെട്ടവന്‍', മമ്മൂട്ടി കുറിച്ചു.