Keerthy Suresh to star in KGF makers movie: ബ്രഹ്മാണ്ഡ ചിത്രം 'കെജിഎഫി'ലൂടെ ഇന്ത്യയൊട്ടാകെ ജനശ്രദ്ധ നേടിയ നിര്‍മാണ കമ്പനിയാണ് ഹോംബാലെ ഫിലിംസ്. ഇപ്പോഴിതാ ഹോംബാലെയുടെ പുതിയ ചിത്രത്തില്‍ അഭിനയിക്കാന്‍ ഒരുങ്ങുകയാണ് നടി കീര്‍ത്തി സുരേഷ്. സിനിമയുടെ ടൈറ്റില്‍ പോസ്‌റ്റര്‍ അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്.
Raghuthatha title poster: 'രഘു താത്ത' എന്നാണ് ചിത്രത്തിന് പേരിട്ടിരിക്കുന്നത്. 'വിപ്ലവം ആരംഭിക്കുന്നത് വീട്ടില്‍ നിന്നും' എന്ന് കുറിച്ച് കൊണ്ടാണ് ടൈറ്റില്‍ പോസ്‌റ്റര്‍ ഹോംബാലെ ഫിലിംസ് പങ്കുവച്ചിരിക്കുന്നത്. ഹോംബാലെയുടെ ആദ്യ തമിഴ് ചിത്രം കൂടിയാണ് 'രഘു താത്ത'.
Keerthy Suresh shares Raghuthatha poster: 'ഒരു ഗ്രാമത്തിലെ ഒരു കർഷകൻ' എന്ന അടിക്കുറിപ്പോടെ കീര്‍ത്തി സുരേഷും ടൈറ്റില്‍ പോസ്‌റ്റര്‍ ഇന്‍സ്‌റ്റഗ്രാമില്‍ പങ്കുവച്ചിട്ടുണ്ട്. 'രഘു താത്ത'യുടെ സെറ്റില്‍ ടീം അംഗങ്ങള്‍ക്കൊപ്പമുള്ള ഏതാനും ചിത്രങ്ങളും കീര്‍ത്തി പോസ്‌റ്റ് ചെയ്‌തു. 'എന്‍റെ അടുത്ത സാഹസികതയിൽ ഹോംബാലെ ഫിലിംസ്, സുമന്‍ കുമാര്‍ തുടങ്ങി 'രഘു താത്ത' ടീമിനൊപ്പം സഹകരിക്കുന്നതിൽ അതിയായ സന്തോഷമുണ്ട്', ഇപ്രകാരമാണ് കീര്‍ത്തി കുറിച്ചിരിക്കുന്നത്.