Dasara first look: കീര്‍ത്തി സുരേഷ് നായികയായെത്തുന്ന ഏറ്റവും പുതിയ ചിത്രമാണ് 'ദസറ'. നടിയുടെ ജന്മദിനത്തോടനുബന്ധിച്ച് 'ദസറയി'ലെ താരത്തിന്‍റെ പ്രത്യേക പോസ്‌റ്റര്‍ അണിയറപ്രവര്‍ത്തകര്‍ പുറത്തുവിട്ടു. കീര്‍ത്തിക്ക് ജന്മദിനാശംസകള്‍ നേര്‍ന്നു കൊണ്ടാണ് പോസ്‌റ്റര്‍ പങ്കുവച്ചത്.
Nani shares Keerthy Suresh poster: ചിത്രത്തില്‍ വെണ്ണല എന്ന കഥാപാത്രത്തെയാണ് കീര്‍ത്തി അവതരിപ്പിക്കുന്നത്. കീര്‍ത്തിയുടെ ഫസ്റ്റ് ലുക്ക് നാനിയും തന്‍റെ ട്വിറ്റര്‍ അക്കൗണ്ടില്‍ പങ്കുവച്ചിട്ടുണ്ട്. 'വെണ്ണല എന്നത് വെറുമൊരു പേരല്ല, വികാരമാണ്. ചിത്തു ചിത്തുള ബൊമ്മയ്‌ക്ക് പിറന്നാള്‍ ആശംസകള്‍'- ഇപ്രകാരമാണ് പോസ്‌റ്റര്‍ പങ്കുവച്ച് നാനി കുറിച്ചത്.
Dasara Nani first look: 'ദസറ'യില്‍ നാനിയാണ് കീര്‍ത്തിയുടെ നായകനായെത്തുക. നാനിയുടെ കരിയറിലെ ഏറ്റവും വലിയ പ്രോജക്‌ടുകളില്‍ ഒന്നു കൂടിയാണീ ചിത്രം. 'ദസറ'യ്‌ക്ക് വേണ്ടിയുള്ള നാനിയുടെ ഗെറ്റപ്പ് ഇതിനോടകം തന്നെ ശ്രദ്ധ നേടിയിരുന്നു. കഴിഞ്ഞ ദിവസം നാനിയുടെ ഫസ്റ്റ് ലുക്ക് പോസ്‌റ്ററും റിലീസ് ചെയ്‌തിരുന്നു. ദസറയിലെ ആദ്യ ഗാനവും റിലീസ് ചെയ്‌തു.