ഉലകനായകന് കമല്‍ ഹാസന് ആശുപത്രിയില്‍. ശാരീരികാസ്വസ്ഥതകളെ തുടര്‍ന്ന് ചെന്നൈയിലെ ശ്രീ രാമചന്ദ്ര മെഡിക്കല്‍ സെന്‍ററിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. പതിവ് പരിശോധനകള്‍ക്ക് വേണ്ടിയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്നും റിപ്പോര്‍ട്ടുണ്ട്.
അതേസമയം താരത്തിന് പനി ബാധിച്ചതായും അതിനുള്ള ചികിത്സ നൽകിയതായും റിപ്പോർട്ടുണ്ട്. അടുത്ത രണ്ട് ദിവസത്തേക്ക് കമല്‍ ഹാസന്, ഡോക്‌ടര്‍മാര്‍ പൂർണ്ണ വിശ്രമം നിർദ്ദേശിച്ചതായും പറയപ്പെടുന്നു. ഇന്ന് വൈകുന്നേരത്തോടെ അദ്ദേഹം ആശുപത്രി വിടുമെന്നാണ് സൂചന.
സിനിമയുമായി ബന്ധപ്പെട്ട് ഈ വര്‍ഷം ആദ്യം തന്നെ കമല്‍ ഹാസന് ഹൈദരാബാദില്‍ എത്തിയിരുന്നു. തന്‍റെ ഗുരുവും ഇതിഹാസ സംവിധായകനുമായ കെ വിശ്വനാഥിനെ അടുത്തിടെ താരം ഹൈദരാബാദില്‍ വച്ച് കണ്ടിരുന്നു. ഇരുവരും ഒന്നിച്ചുള്ള ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയും ചെയ്‌തിരുന്നു.