Adrishyam trailer: ദുരൂഹതകളുമായി 'അദൃശ്യം' ട്രെയിലര്‍. ഷറഫുദ്ദീന്‍, നരേന്‍, ജോജു ജോര്‍ജ് എന്നിവര്‍ കേന്ദ്രകഥാപാത്രങ്ങളിലെത്തുന്ന ചിത്രമാണ് 'അദൃശ്യം'. ഒരു പെണ്‍കുട്ടിയുടെ തിരോധാനത്തിന്‍റെ അന്വേഷണത്തോടെയാണ് ട്രെയിലര്‍ ആരംഭിക്കുന്നത്. ഒരു സസ്‌പന്‍സ് ത്രില്ലറായാണ് ചിത്രം ഒരുങ്ങുന്നതെന്നാണ് ട്രെയിലര്‍ നല്‍കുന്ന സൂചന.
Surrogacy in Adrishyam: ട്രെയിലറില്‍ വാടക ഗര്‍ഭധാരണത്തെ കുറിച്ചും പരാമര്‍ശിക്കുന്നുണ്ട്‌. ഷറഫുദ്ദീന്‍റെ കഥാപാത്രത്തിന്‍റെ വൈവാഹിക ജീവിതത്തിന്‍റെ തുടക്കത്തില്‍ തന്നെ വന്നു ചേരുന്ന ദുരന്തവും പിന്നീട്‌ അതിനെതിരെ അയാള്‍ പോരാടുന്നതും ട്രെയിലറില്‍ കാണാം. അതുപോലെ നരേനും ജോജു ജോര്‍ജും ട്രെയിലറില്‍ ഹൈലൈറ്റാകുന്നുണ്ട്.
Zac Harriss debut movie: നവാഗതനായ സാക് ഹാരിസ് തിരക്കഥയും സംഭാഷണവും എഴുതി സംവിധാനം ചെയ്യുന്ന ചിത്രമാണ് 'അദൃശ്യം'. പാക്ക്യരാജ് രാമലിംഗത്തിന്‍റേതാണ് കഥ. പ്രതാപ്‌ പോത്തന്‍, കയല്‍ ആനന്ദി, ആത്മീയ രാജന്‍, പവിത്ര ലക്ഷ്‌മി, ജോണ്‍ വിജയ്, സിനില്‍ സൈന്‍യുദീന്‍, മുനിഷ്‌കാന്ത്, അഞ്ജലി റാവു, ബിന്ദു സഞ്‌ജീവ്, വിനോദിനി തുടങ്ങിയവരും ചിത്രത്തില്‍ അണിനിരക്കുന്നു.