നടന്‍ ജോജു ജോര്‍ജ് ആദ്യമായി ഇരട്ട വേഷത്തിലെത്തുന്ന ചിത്രമാണ് 'ഇരട്ട'. റിലീസിനോടടുക്കുമ്പോള്‍ ചിത്രം വാര്‍ത്തകളിലും ഇടംപിടിക്കുകയാണ്. ഫെബ്രുവരി മൂന്നിനാണ് ഇരട്ട തിയേറ്ററുകളിലെത്തുക.
'ഇരട്ട'യിലെ പ്രൊമോ ഗാനം സോഷ്യല്‍ മീഡിയയില്‍ ശ്രദ്ധ നേടുകയാണ്. ഇരട്ടയിലെ പ്രൊമോ ഗാനം പാടി വൈറലായി ജോജു ജോര്‍ജ്. ജോജുവും ബെനടിക് ഷൈനും ചേര്‍ന്നാണ് 'എന്തിനാടി പൂങ്കൊടിയേ'എന്ന് തുടങ്ങുന്ന പ്രൊമോ ഗാനം ആലപിച്ചിരിക്കുന്നത്. മണികണ്‌ഠന്‍ പെരുമ്പടപ്പ് ഗാന രചനയും സംഗീതവും നിര്‍വഹിച്ച ഈ ഗാനം റീ അറേഞ്ച് ചെയ്‌തിരിക്കുന്നത് ജേക്ക്‌സ്‌ ബിജോയ് ആണ്.
സസ്‌പെന്‍സും ട്വിസ്‌റ്റും നിറഞ്ഞ പൊലീസ് ക്രൈം ഇന്‍വെസ്‌റ്റിഗേഷന്‍ ത്രില്ലര്‍ ആയാണ് ചിത്രം ഒരുങ്ങുന്നത്. വിനോദ്, പ്രമോദ് എന്നീ ഇരട്ട സഹോദരങ്ങളെയാണ് ചിത്രത്തില്‍ ജോജു അവതരിപ്പിക്കുന്നത്. സിനിമയില്‍ താരത്തിന്‍റെ ഒരു കഥാപാത്രം പൊലീസ് വേഷത്തിലാണ് എത്തുന്നത്.