ചിരിയുടെ മാലപ്പടക്കം തീര്‍ത്ത് 'സര്ക്കസ്' ട്രെയിലര്‍. രണ്‍വീര്‍ സിങിനെ കേന്ദ്രകഥാപാത്രമാക്കി രോഹിത് ഷെട്ടി സംവിധാനം ചെയ്യുന്ന സര്‍ക്കസിന്‍റെ കളര്‍ഫുള്‍ ട്രെയിലര്‍ പുറത്തിറങ്ങി. നര്‍മ മുഹൂര്‍ത്തങ്ങള്‍ കോര്‍ത്തിണക്കി കൊണ്ടുള്ള മനോഹരമായ ട്രെയിലറാണ് ഇറങ്ങിയത്.
ഉല്ലാസകരമായ ആശയക്കുഴപ്പം നിറഞ്ഞ 'സര്ക്കസ്' ലോകത്തേക്കുള്ള കാഴ്‌ചയാണ് 3.38 മിനിറ്റ് ദൈര്‍ഘ്യമുള്ള 'സര്ക്കസ്' ട്രെയിലര്‍. 'സര്‍ക്കസി'ല്‍ പ്രവര്‍ത്തിക്കുന്ന ഇലക്‌ട്രിക് മനുഷ്യനായി അറിയപ്പെടുന്ന രണ്‍വീറില്‍ നിന്നാണ് ട്രെയിലര്‍ ആരംഭിക്കുന്നത്. രണ്‍വീറും വരുൺ ശർമയും തമ്മിലുള്ള സ്‌ക്രീന്‍ സ്‌പെയ്‌സും ട്രെയിലറില്‍ കാണാം.