Vaathi release date announced: ധനുഷിന്‍റെ റിലീസിനൊരുങ്ങുന്ന ഏറ്റവും പുതിയ ചിത്രമാണ് 'വാത്തി'. സിനിമയുടെ പുതിയ റിലീസ് തീയതി പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. 2023 ഫെബ്രുവരി 17ന് 'വാത്തി' തിയേറ്ററുകളിലെത്തും.
Vaathi new posters unveiled: നേരത്തെ ഡിസംബര്‍ രണ്ടിന് ചിത്രം റിലീസ് ചെയ്യുമെന്നായിരുന്നു റിപ്പോര്‍ട്ടുകള്‍. സംഗീത സംവിധായകന്‍ ജിവി പ്രകാശ് കുമാറാണ് സിനിമയുടെ രണ്ട് പോസ്‌റ്ററുകള്‍ക്കൊപ്പം പുതിയ റിലീസ് തീയതി പങ്കുവച്ചത്. തമിഴിലും തെലുഗുവിലുമായാണ് ചിത്രം ഒരുങ്ങുന്നത്. 3.75 കോടി രൂപയ്‌ക്കാണ് സിനിയുടെ ഓഡിയോ റൈറ്റ്‌സ്‌ ആദിത്യ മ്യൂസിക് സ്വന്തമാക്കിയിരിക്കുന്നത്.
Samyuktha Menon with Dhanush: ബാലഗംഗാധര്‍ തിലക് എന്ന കഥാപാത്രത്തെയാണ് 'വാത്തി'യില്‍ ധനുഷ്‌ അവതരിപ്പിക്കുന്നത്. മലയാളി താരം സംയുക്‌ത മേനോൻ ആണ് ചിത്രത്തില്‍ ധനുഷിന്‍റെ നായിക. സമുദ്രക്കനി, പി.സായ് കുമാര്‍, തനികെല്ല ബരാനി, ഹരീഷ് പേരടി, മൊട്ട രാജേന്ദ്രന്‍, പ്രവീണ, ആടുകളം നരേന്‍, ഇളവരസു, ഹൈപ്പര്‍ ആദി തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തും.