Sita Ramam gross collection: ദുല്‍ഖര്‍ സല്‍മാന്‍റെ ഏറ്റവും ഒടുവിലായി തിയേറ്റര്‍ റിലീസിനെത്തിയ ചിത്രമാണ് 'സീതാരാമം'. ഹനു രാഘവപ്പുഡി സംവിധാനം ചെയ്‌ത സിനിമയ്‌ക്ക്‌ മികച്ച പ്രതികരണമാണ് തിയേറ്ററുകളില്‍ നിന്നും ലഭിച്ചത്. ആഗോള തലത്തില്‍ 'സീതാരാമം' 50 കോടി കലക്ഷന്‍ നേടിയിരിക്കുകയാണ്.
Sita Ramam earns over 50 cores: ദുല്‍ഖര്‍ സല്‍മാന്‍ തന്‍റെ സോഷ്യല്‍ മീഡിയ പേജുകളിലൂടെയാണ് ഈ സന്തോഷ വാര്‍ത്ത ആരാധകരുമായി പങ്കുവച്ചത്. സിനിമയിലെ ദുല്‍ഖറിന്‍റെ ഒരു രംഗം അടങ്ങുന്ന വീഡിയോയിലൂടെയാണ് 50 കോടി ക്ലബ്ബിലിടം പിടിച്ച വിവരം താരം അറിയിച്ചത്.
25 കോടി ബജറ്റിലായാണ് 'സീതാരാമം' ഒരുക്കിയത്. ഇന്ത്യയില്‍ നിന്ന് മാത്രം ചിത്രം ഇതുവരെ കലക്‌ട്‌ ചെയ്‌തത് 30 കോടിക്ക് മുകളിലാണ്. റിലീസ് ചെയ്‌ത് ദിവസങ്ങള്‍ക്കകം മികച്ച കലക്ഷനാണ് സിനിമ സ്വന്തമാക്കിയിരിക്കുന്നത്.
കേരളത്തില്‍ നിന്ന് മാത്രം ഇതുവരെ അഞ്ച് കോടിയോളം രൂപയും ചിത്രം സ്വന്തമാക്കി. യുഎസിലും 'സീതാരാമ'ത്തിന് മികച്ച പ്രതികരണമാണ് ലഭിക്കുന്നത്. യുഎസില്‍ ആദ്യ ദിനം ഏറ്റവും കൂടുതല്‍ കലക്ഷന്‍ നേടുന്ന മലയാളി താരത്തിന്‍റെ ചിത്രമെന്ന റെക്കോഡ്‌ 'സീതാരാമ'ത്തിലൂടെ ദുല്‍ഖര്‍ സ്വന്തമാക്കിയിരുന്നു.
ഓഗസ്‌റ്റ് അഞ്ചിനാണ് ലോകമെമ്പാടുമുള്ള തിയേറ്ററുകളില്‍ ചിത്രം എത്തിയത്. ആദ്യ ദിനം കേരളത്തില്‍ 350 ഷോകളുണ്ടായിരുന്ന സിനിമ മൂന്നാം ദിനം ആയപ്പോള്‍ 500ലധികം ഷോകളായി ഉയര്‍ന്നു.
Dulquer Salmaan thanks to audience:'സീതാരാമ'ത്തിന്‍റെ വിജയത്തില്‍ പ്രേക്ഷകരോട് നന്ദി പറഞ്ഞ്‌ ദുല്‍ഖര്‍ സല്‍മാന്‍ രംഗത്തെത്തിയിരുന്നു. 'സീതാരാമം' റിലീസ് ദിനം താന്‍ കരഞ്ഞു പോയെന്ന്‌ താരം പറഞ്ഞു. ഒപ്പം തെലുഗു സിനിമ പ്രേമികളോട്‌ ദുല്‍ഖര്‍ നന്ദിയും രേഖപ്പെടുത്തി. ഒട്ടനവധി കലാകാരന്‍മാരുടെയും പ്രതിഭകളുടെയും അണിയറപ്രവര്‍ത്തകരുടെയും പ്രയത്‌നമാണ് 'സീതാരാമ'മെന്നും താരം സോഷ്യല്‍ മീഡിയയില്‍ കുറിച്ചിരുന്നു.
Also Read: 'സീതാരാമത്തില്‍ ഹൃദയസ്‌പര്‍ശിയായ നിമിഷങ്ങള്‍'; പട്ടാളക്കാര്‍ക്ക് പ്രത്യേക ഷോ ഒരുക്കി ദുല്‍ഖര്‍
