കേരളം

kerala

ETV Bharat / entertainment

അദ്ദേഹവുമായി ഒന്നിക്കുന്നുവെന്ന് പറയുമ്പോള്‍ വലിയ പ്രതീക്ഷയായിരിക്കും ; മമ്മൂട്ടി ചിത്രത്തെക്കുറിച്ച് ജീത്തു ജോസഫ്

മമ്മൂട്ടി-ജീത്തു ജോസഫ് കൂട്ടുകെട്ടില്‍ ഒരു സിനിമ വരാന്‍ കാത്തിരിക്കുകയാണ് ആരാധകര്‍. നിലവില്‍ മോളിവുഡിലെ തിരക്കേറിയ സംവിധായകരില്‍ ഒരാളാണ് ജീത്തു ജോസഫ്

By

Published : May 21, 2022, 9:55 PM IST

mammootty jeethu joseph movie  jeethu joseph about mammootty movie  mammootty upcoming movies  mammootty latest movie  മമ്മൂട്ടി ജീത്തു ജോസഫ് സിനിമ  ജീത്തു ജോസഫ് മമ്മൂട്ടി സിനിമ  മമ്മൂട്ടി പുതിയ സിനിമകള്‍
ഞാനും മമ്മൂക്കയും ഒന്നിക്കുന്ന ഒരു സിനിമ വരുന്നു എന്ന് പറയുമ്പോള്‍ തന്നെ വലിയ പ്രതീക്ഷകളായിരിക്കും, മമ്മൂട്ടി ചിത്രത്തെ കുറിച്ച് ജീത്തു ജോസഫ്

ത്രില്ലര്‍ സിനിമകളിലൂടെ മലയാളി പ്രേക്ഷകരുടെ പ്രിയങ്കരനായ സംവിധായകനാണ് ജീത്തു ജോസഫ്. ഡിറ്റക്‌ടീവ്, ദൃശ്യം, മെമ്മറീസ്, ദൃശ്യം 2 പോലുളള സിനിമകളെല്ലാം ജീത്തു ജോസഫ് എന്ന സംവിധായകന്‍റെ പ്രതിഭ അടയാളപ്പെടുത്തിയവയാണ്. എറ്റവുമൊടുവിലായി ഇറങ്ങിയ, സംവിധായകന്‍റെ മോഹന്‍ലാല്‍ ചിത്രം 12ത് മാനും മികച്ച പ്രതികരണം നേടി മുന്നേറുന്നു.

ജീത്തു ജോസഫ് സിനിമകള്‍ക്കെല്ലാം വലിയ പ്രതീക്ഷയോടെ സിനിമാപ്രേമികള്‍ കാത്തിരിക്കാറുണ്ട്. മലയാളത്തിലെ മുന്‍നിര താരങ്ങള്‍ക്കൊപ്പം എല്ലാം സിനിമകള്‍ ചെയ്‌ത സംവിധായകന്‍ മെഗാസ്റ്റാര്‍ മമ്മൂട്ടിക്കൊപ്പം ഒരു ചിത്രം ഇതുവരെ ചെയ്‌തിട്ടില്ല. ദൃശ്യത്തിനായി മോഹന്‍ലാലിന് മുന്‍പ് മമ്മൂക്കയെയാണ് ജീത്തു ജോസഫ് സമീപിച്ചതെന്ന് മുന്‍പ് റിപ്പോര്‍ട്ടുകളുണ്ടായിരുന്നു.

എന്നാല്‍ പിന്നീട് ആ ചിത്രം മോഹന്‍ലാലിലേക്ക് എത്തി. മമ്മൂട്ടിക്കൊപ്പം സിനിമ ചെയ്യാനുളള തന്‍റെ ആഗ്രഹം ഒരു മാധ്യമത്തിന് നല്‍കിയ അഭിമുഖത്തില്‍ പങ്കുവയ്‌ക്കുകയാണ് സംവിധായകന്‍. മമ്മൂക്കയുമായുളള ഒരു സിനിമ തീര്‍ച്ചയായും തന്‍റെ പ്ലാനില്‍ ഉണ്ടെന്ന് ജീത്തു ജോസഫ് പറയുന്നു.

'ഇപ്പോഴും എന്‍റെ നടക്കാത്ത ഒരു സ്വപ്‌നമാണ് അത്. രണ്ട് മൂന്ന് കഥകള്‍ ആലോചിച്ചിട്ടും അത് വര്‍ക്കൗട്ട് ആയില്ല. ഞാനും മമ്മൂക്കയും ഒന്നിക്കുന്ന ഒരു സിനിമ വരുന്നു എന്ന് പറയുമ്പോള്‍ തന്നെ വലിയ പ്രതീക്ഷകളായിരിക്കും. ഒരു കഥ ആലോചിക്കുന്നുണ്ട്. അത് തീരുമാനമായിട്ടില്ല, സംവിധായകന്‍ അറിയിച്ചു.

അതേസമയം സുരേഷ് ഗോപിയെ നായകനാക്കിയുളള ഡിറ്റക്‌ടീവാണ് ജീത്തു ജോസഫ് സംവിധാനം ചെയ്‌ത ആദ്യ ചിത്രം. പിന്നാലെ കുഞ്ചാക്കോ ബോബന്‍, ദിലീപ്, പൃഥ്വിരാജ്, മോഹന്‍ലാല്‍, കമല്‍ഹാസന്‍, പ്രണവ് മോഹന്‍ലാല്‍, കാളിദാസ് ജയറാം, ഇമ്രാന്‍ ഹാഷ്‌മി, കാര്‍ത്തി തുടങ്ങിയ താരങ്ങളെല്ലാം സംവിധായകന്‍റെ ചിത്രത്തില്‍ നായകന്മാരായി.

12ത് മാന്‍ സിനിമയ്‌ക്ക് പിന്നാലെ റാം, കൂമന്‍ എന്നീ സിനിമകളാണ് ജീത്തു ജോസഫിന്‍റേതായി അണിയറയില്‍ ഒരുങ്ങുന്നത്.

ABOUT THE AUTHOR

...view details