മോഹന്‍ലാലിനെതിരെ സംവിധായകന്‍ അടൂര്‍ ഗോപാലകൃഷ്‌ണന്‍ നടത്തിയ പരാമര്‍ശത്തെ വിമര്‍ശിച്ച് നടന്‍ ധര്‍മജന്‍ ബോള്‍ഗാട്ടി. മോഹന്‍ലാലിന് നല്ലവനായ റൗഡി ഇമേജെന്ന് പറഞ്ഞ അടൂര്‍ ഗോപാലകൃഷ്‌ണന്‍റെ പരാമര്‍ശത്തിനെതിരെയാണ് ധര്‍മജന്‍റെ പ്രതികരണം.
ഫേസ്‌ബുക്കിലൂടെയായിരുന്നു ധര്‍മജന്‍റെ പ്രതികരണം. മോഹന്‍ലാലിനെ ഗുണ്ടയായിട്ട് കാണുന്നത് മോഹന്‍ലാലിന്‍റെ നല്ല സിനിമകള്‍ കണ്ടിട്ടില്ലാത്തത് കൊണ്ടാണെന്ന് ധര്‍മജന്‍ ഫേസ്‌ബുക്കില്‍ കുറിച്ചു. മോഹന്‍ലാല്‍ എന്നും വലിയ നടനാണെന്നും ധര്‍മജന്‍ കുറിച്ചു.
'അടൂർ സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്… മോഹൻലാൽ എന്ന നടൻ ഞങ്ങൾക്ക് വലിയ ആളാണ്. അടൂർ സാർ മോഹൻലാലിന്‍റെ നല്ല സിനിമകൾ കണ്ടിട്ടില്ലാത്തത് കൊണ്ടാണ്. മോഹൻലാലിനെ ഗുണ്ടയായിട്ട് കാണുന്ന അടൂർ സാറിനോട് ഞങ്ങൾക്ക് അഭിപ്രായമില്ല സാർ.