The Marvels trailer out now: ആരാധകരുടെ നീണ്ട കാത്തിരിപ്പിനൊടുവില്‍ 'ദി മാര്‍വല്‍സ്' ടീസര്‍ ട്രെയിലര്‍ പുറത്തിറങ്ങി. മാര്‍വല്‍ സ്‌റ്റുഡിയോസ്‌ ആണ് ട്വിറ്റര്‍ ഹാന്‍ഡിലിലൂടെ സയന്‍സ് ഫിക്ഷന്‍ ആക്ഷന്‍ ചിത്രമായ 'ദി മാര്‍വല്‍സി'ന്‍റെ വളരെ രസകരമായ ടീസര്‍ ട്രെയിലര്‍ പുറത്തുവിട്ടത്.
Marvel Studios shared The Marvels trailer: 'കൂട്ടുകെട്ട് എല്ലാവരെയും മാറ്റിമറിക്കുന്നു. മാർവൽ സ്റ്റുഡിയോസിന്റെ 'ദി മാര്‍വല്‍സ്', നവംബർ 10ന് തിയേറ്ററുകളിൽ മാത്രം.' - ഇങ്ങനെയായിരുന്നു മാര്‍വല്‍ സ്റ്റുഡിയോസിന്റെ ട്വീറ്റ്. ക്യാപ്റ്റൻ മാർവലിലെ കരോൾ ഡാൻവേഴ്‌സ് എന്ന കഥാപാത്രത്തെ അവതരിപ്പിച്ച ബ്രീ ലാർസണ്‍, 'വാണ്ട വിഷനി'ല്‍ മോണിക്ക റാംബ്യൂ ആയി വേഷമിട്ട ടെയോന പാരിസ്, മിസ് മാര്‍വലില്‍ കമല ഖാന്‍ ആയി വേഷമിട്ട ഇമാന്‍ വെള്ളാനി എന്നിവരും ദി മാര്‍വല്‍സില്‍ ഉണ്ട്.
Also Read:സൂപ്പര്‍ ഹീറോ സീരീസില്‍ ഫര്‍ഹാന്‍റെ വേഷമെന്ത്‌ ? ; മാര്‍വല്‍ സീരീസില്‍ ഫര്‍ഹാന്‍ അക്‌തറും
Trailer sets scene for the trio coming together: മിസ് മാര്‍വല്‍ നിക്ക് ഫ്യൂറിയെ കാണുന്നതും, ക്യാപ്‌റ്റന്‍ മാര്‍വല്‍ കമല ഖാന്‍റെ വീട്ടില്‍ കുടുങ്ങി പോയതും മോണിക്ക റാംബോ മറ്റൊരു ഗ്രഹത്തില്‍ എത്തുന്നതുമാണ് ടീസറില്‍. ഓരോ യൂണിവേഴ്‌സിലെയും മാര്‍വല്‍ കഥാപാത്രങ്ങള്‍ പരസ്‌പരം മാറിപ്പോകുന്നതിനെ കുറിച്ചാണ് ടീസര്‍ ട്രെയിലറിന്‍റെ ഉള്ളടക്കം.
ട്രെയിലർ പുറത്തുവന്നതിന് പിന്നാലെ കമന്‍റ്‌ ബോക്‌സില്‍ ചുവന്ന ഹാര്‍ട്ട് ഇമോജികളും ഫയര്‍ ഇമോജികളുമായി ആരാധകര്‍ ഒഴുകിയെത്തി. 'ഞങ്ങൾ തയ്യാറാണ്!' -ഒരു ആരാധകന്‍ കുറിച്ചു. 'ടൺ കണക്കിന് ഫണ്‍ ആയി തോന്നുന്നു!' - മറ്റൊരു ആരാധകന്‍ കുറിച്ചു. 'ഇത് വളരെ രസകരമായി തോന്നുന്നു!' -മറ്റൊരാള്‍ കുറിച്ചു.