Thankam first look poster: ബിജു മേനോന്‍, വിനീത് ശ്രീനിവാസന്‍, അപര്‍ണ ബാലമുരളി എന്നിവര്‍ കേന്ദ്ര കഥാപാത്രങ്ങളായെത്തുന്ന ചിത്രമാണ് 'തങ്കം'. സിനിമയുടെ ഫസ്‌റ്റ് ലുക്ക് പോസ്‌റ്റര്‍ പുറത്തിറങ്ങി. ബിജു മേനോന്‍, വിനീത് ശ്രീനിവാസന്‍, അപര്‍ണ ബാലമുരളി എന്നിവരാണ് പോസ്‌റ്ററിലുള്ളത്.
Celebrities shares Thankam first look: ഫഹദ് ഫാസില്‍, ബിജു മേനോന്‍, വിനീത് ശ്രീനിവാസന്‍, കുഞ്ചാക്കോ ബോബന്‍, നിവിന്‍ പോളി ഷെയിന്‍ നിഗം തുടങ്ങി നിരവധി താരങ്ങള്‍ 'തങ്കം' ഫസ്‌റ്റ് ലുക്ക് പോസ്‌റ്റര്‍ സോഷ്യല്‍ മീഡിയയില്‍ പങ്കുവച്ചിട്ടുണ്ട്. 'തങ്കം' ടീമിന് ആശംസകള്‍ നേര്‍ന്നുകൊണ്ടാണ് ഫസ്‌റ്റ് ലുക്കുമായി താരങ്ങള്‍ സോഷ്യല്‍ മീഡിയയില്‍ എത്തിയത്. ബിജു മേനോന്‍, ഫഹദ് ഫാസില്‍, വിനീത് ശ്രീനിവാസന്‍, നിവിന്‍ പോളി ഉള്‍പ്പടെയുള്ളവര്‍ ലഘു കുറിപ്പും ഫേസ്‌ബുക്കില്‍ പങ്കുവച്ചിട്ടുണ്ട്.
Biju Menon about Thankam: ദിലീഷ് പോത്തന്‍, ഫഹദ് ഫാസില്‍, ശ്യാം പുഷ്‌കരന്‍ എന്നീ കൂട്ടുകെട്ടില്‍ താനൊരു ചിത്രം ആഗ്രഹിച്ചിരുന്നു എന്നാണ് ബിജു മേനോന്‍ പറയുന്നത്. 'തങ്കം... ഈ ടീമിന്‍റെ കൂടെ ഒരു പടം ഞാൻ ആഗ്രഹിച്ചിരുന്നതാണ്. ഷൂട്ട് സമയത്ത് ഞങ്ങൾക്കുണ്ടായ നല്ല എക്സ്പീരിയൻസ് തിയേറ്ററിൽ നിങ്ങൾക്കും ഉണ്ടാകും എന്ന് വിശ്വസിക്കുന്നു. സ്നേഹപൂർവം' - ബിജു മേനോന്‍ കുറിച്ചു.
Fahadh Faasil about Thankam thread: 'ഈ ത്രെഡ് കേട്ട ആദ്യ ദിനം തന്നെ ശരിക്കും കൗതുകം തോന്നി. ബിഗ് സ്‌ക്രീനിൽ തങ്കം എക്‌സ്‌പീര്യന്‍സ് ചെയ്യാന്‍ ഞാൻ കാത്തിരിക്കുകയാണ്.' -ഫസ്‌റ്റ് ലുക്ക് പങ്കുവച്ച് ഫഹദ് ഫാസില്‍ കുറിച്ചു.