ആസിഫ് അലി Asif Ali, സണ്ണി വെയ്ൻ Sunny Wayne, വിനായകൻ Vinayakan എന്നിവരെ കേന്ദ്രകഥാപാത്രങ്ങളാക്കി മൃദുൽ നായർ സംവിധാനം ചെയ്യുന്ന പുതിയ ചിത്രമാണ് 'കാസര്‍ഗോള്‍ഡ്' Kasargold. സിനിമയുടെ ടീസര്‍ ഇന്ന് റിലീസ് ചെയ്യും. പൃഥ്വിരാജ്, ടൊവിനോ തോമസ്, ഉണ്ണി മുകുന്ദന്‍ എന്നിവര്‍ ചേര്‍ന്നാണ് 'കാസര്‍ഗോള്‍ഡി'ന്‍റെ ടീസര്‍ വൈകിട്ട് 6.12ന് പുറത്തുവിടുക.
ആസിഫ് അലി, സണ്ണി വെയ്‌ന്‍, വിനായകന്‍ എന്നിവര്‍ അടങ്ങുന്ന പുതിയ പോസ്‌റ്റര്‍ പങ്കുവച്ചുകൊണ്ടാണ് അണിയറപ്രവര്‍ത്തകര്‍ ടീസര്‍ റിലീസിനെ കുറിച്ച് അറിയിച്ചിരിക്കുന്നത്. ആസിഫ് അലി ആണ് തന്‍റെ ഫേസ്‌ബുക്ക് പേജിലൂടെ ഇക്കാര്യം ആരാധകരുമായി പങ്കുവച്ചിരിക്കുന്നത്. കയ്യില്‍ തോക്കും ചുണ്ടില്‍ സിഗരറ്റുമായി നില്‍ക്കുന്ന ആസിഫിനെയാണ് പോസ്‌റ്ററില്‍ കാണാനാവുക.
അടുത്തിടെ ചിത്രത്തിലെ മറ്റൊരു പോസ്‌റ്ററും അണിയറക്കാര്‍ പുറത്തുവിട്ടിരുന്നു. പഴയ പോസ്‌റ്ററിലും ആസിഫ് അലിയും സണ്ണി വെയ്‌നും വിനായകനുമായിരുന്നു. തോക്കുകള്‍ ചൂണ്ടി അലറി വിളിക്കുന്ന മൂവരെയുമാണ് പോസ്‌റ്ററില്‍ കാണാനായത്.
സിദ്ദിഖ്, മാളവിക ശ്രീനാഥ് Malavika Sreenath, ശ്രീരഞ്ജിനി നായർ, ദീപക് പറമ്പോല്‍, ധ്രുവൻ, സമ്പത്ത് റാം, പ്രശാന്ത് മുരളി, അഭിറാം രാധാകൃഷ്‌ണൻ, സാഗർ സൂര്യ, ജെയിംസ് ഏലിയ തുടങ്ങിയവരും ചിത്രത്തില്‍ അണിനിരക്കും.
സംവിധായകന്‍ മൃദുൽ നായർ തന്നെയാണ് സിനിമയുടെ കഥയും ഒരുക്കിയിരിക്കുന്നത്. എൽഎൽപിയുമായി സഹകരിച്ച് മുഖരി എന്‍റർടെയ്‌ന്‍മെന്‍റിന്‍റെ ബാനറിൽ വിക്രം മെഹ്റ, സൂരജ് കുമാർ, സിദ്ധാർഥ് ആനന്ദ് കുമാർ, റിന്നി ദിവാകർ എന്നിവർ ചേർന്നാണ് സിനിമയുടെ നിര്‍മാണം. സരിഗമ ആണ് 'കാസര്‍ഗോള്‍ഡി'ന്‍റെ അവതരണം.
സജിമോൻ പ്രഭാകർ ആണ് തിരക്കഥയും സംഭാഷണവും. ജെബിൽ ജേക്കബ്- ഛായാഗ്രഹണം, മനോജ് കണ്ണോത്ത്- എഡിറ്റിങ്. വൈശാഖ് സുഗുണന്‍റെ ഗാനരചനയ്‌ക്ക് വിഷ്‌ണു വിജയ്, നിരഞ്ജ് സുരേഷ് എന്നിവർ ചേര്‍ന്നാണ് സംഗീതം നല്‍കിയിരിക്കുന്നത്.
മേക്കപ്പ് - ജിതേഷ് പൊയ്യ, വസ്‌ത്രാലങ്കാരം - മസ്ഹർ ഹംസ, കല - സജി ജോസഫ്, ചീഫ് അസോസിയേറ്റ് ഡയറക്‌ടർ - സുനിൽ കാര്യാട്ടുകര, കോ-പ്രൊഡ്യൂസർ - സഹിൽ ശർമ, സൗണ്ട് ഡിസൈൻ - രംഗനാഥ് രവി, ബിജിഎം - വിഷ്‌ണു വിജയ്, പരസ്യ കല - എസ് കെ ഡി ഡിസൈൻ ഫാക്‌ടറി, പ്രൊഡക്ഷൻ കൺട്രോളർ - വിനോഷ് കൈമൾ, പ്രണവ് മോഹൻ, സ്‌റ്റിൽസ് - റിഷാദ് മുഹമ്മദ്, പ്രമോ സ്‌റ്റിൽസ് - രജീഷ് രാമചന്ദ്രൻ, പിആർഒ - എഎസ് ദിനേശ്.
'കാസര്‍ഗോള്‍ഡി'നെ കൂടാതെ ആസിഫ് അലിയുടേതായി മറ്റു നിരവധി ചിത്രങ്ങള്‍ അണിയറയില്‍ ഒരുങ്ങുന്നുണ്ട്. 'കിഷ്‌കിന്ധാകാണ്ഡം' Kishkindhakandam ആണ് ആസിഫിന്‍റേതായി അണിയറയില്‍ ഒരുങ്ങുന്ന മറ്റൊരു പുതിയ ചിത്രം. അപര്‍ണ ബാലമുരളിയാണ് Aparna Balamurali സിനിമയില്‍ ആസിഫിന്‍റെ നായികയായി എത്തുന്നത്.
'കിഷ്‌കിന്ധാകാണ്ഡ'ത്തിന്‍റെ ചിത്രീകരണം അടുത്തിടെ ആരംഭിച്ചിരുന്നു. നേരത്തെ സിനിമയുടെ ടൈറ്റില്‍ ലോഗോ അണിയറപ്രവര്‍ത്തകര്‍ പുറത്തുവിട്ടിരുന്നു. മൂന്ന് ബുദ്ധിശാലികളായ കുരങ്ങന്‍മാരുടെ കഥ എന്ന ടാഗ് ലൈനോടു കൂടിയുള്ളതായിരുന്നു 'കിഷ്‌കിന്ധാകാണ്ഡ'ത്തിന്‍റെ ടൈറ്റില്‍ ലോഗോ. വ്യത്യസ്‌തമായ ഈ ടൈറ്റില്‍ ലോഗോ സോഷ്യല്‍ മീഡിയയില്‍ ശ്രദ്ധ നേടിയിരുന്നു.
'കക്ഷി അമ്മിണിപ്പിള്ള'യുടെ സംവിധായകന്‍ ദിന്‍ജിത്ത് അയ്യത്താന്‍ ആണ് 'കിഷ്‌കിന്ധാകാണ്ഡ'ത്തിന്‍റെ സംവിധാനം. വിജയരാഘവന്‍, മേജര്‍ രവി, ജഗദീഷ്, നിഷാന്‍, അശോകന്‍, നിഴല്‍കള്‍ രവി, മാസ്‌റ്റര്‍ ആരവ്, വൈഷ്‌ണവി രാജ്, ജിബിന്‍ ഗോപാല്‍, കോട്ടയം രമേശ്, അമല്‍ രാജ് തുടങ്ങിയവരും ചിത്രത്തില്‍ അണിനിരക്കും.
Also Read:തോക്കെടുത്ത് ആസിഫും സണ്ണിയും വിനായകനും ; 'കാസർഗോൾഡ്' പ്രദർശനത്തിനൊരുങ്ങുന്നു
