ആസിഫ് അലി Asif Ali, ഷൈൻ ടോം ചാക്കോ Shine Tom Chacko, സണ്ണി വെയ്ൻ Sunny Wayne, വിനായകൻ Vinayakan എന്നിവര്‍ കേന്ദ്രകഥാപാത്രങ്ങളായി എത്തുന്ന 'കാസര്‍ഗോള്‍ഡ്' Kasargold പ്രദര്‍ശനത്തിനൊരുങ്ങുന്നു. ചിത്രത്തിന്‍റെ പുതിയ പോസ്‌റ്റര്‍ അണിയറപ്രവര്‍ത്തകര്‍ പുറത്തുവിട്ടു.
ആസിഫ് അലിയും സണ്ണി വെയ്‌നും വിനായകനുമാണ് പുതിയ പോസ്‌റ്ററില്‍. തോക്കുകള്‍ ചൂണ്ടി അലറി വിളിക്കുന്ന മൂവരെയുമാണ് പോസ്‌റ്ററില്‍ കാണാനാവുക. പോസ്‌റ്റര്‍ ഇതിനോടകം തന്നെ സോഷ്യല്‍ മീഡിയയില്‍ ശ്രദ്ധ നേടുകയാണ്.
സണ്ണി വെയ്‌നും തന്‍റെ ഫേസ്‌ബുക്ക് പേജില്‍ പോസ്‌റ്റര്‍ പങ്കുവച്ചിട്ടുണ്ട്. ഫാന്‍ ആര്‍ട്ട് ഏറ്റവും മികച്ചത് എന്ന അടിക്കുറിപ്പിലാണ് താരം പോസ്‌റ്റര്‍ പങ്കുവച്ചിരിക്കുന്നത്. ഔദ്യോഗിക പ്രഖ്യാപനം ഉടന്‍ പുറത്തിറങ്ങുമെന്നും സണ്ണി വെയ്‌ന്‍ കുറിച്ചിട്ടുണ്ട്. ഒപ്പം സിനിമയിലെ അണിയറപ്രവര്‍ത്തകരെ ടാഗും ചെയ്‌തിട്ടുണ്ട് താരം.
മാളവിക ശ്രീനാഥ് Malavika Sreenath, ശ്രീരഞ്ജിനി നായർ എന്നിവരും സുപ്രധാന വേഷങ്ങളില്‍ എത്തും. സിദ്ദിഖ്, ദീപക് പറമ്പോല്‍, സമ്പത്ത് റാം, ധ്രുവൻ, സാഗർ സൂര്യ, അഭിറാം രാധാകൃഷ്‌ണൻ, ജെയിംസ് ഏലിയ, പ്രശാന്ത് മുരളി തുടങ്ങിയവരും ചിത്രത്തില്‍ അണിനിരക്കും.
മൃദുൽ നായർ ആണ് സിനിമയുടെ കഥയും സംവിധാനവും നിര്‍വഹിച്ചിരിക്കുന്നത്. എൽഎൽപിയുമായി സഹകരിച്ച് മുഖരി എന്‍റർടെയിന്‍മെന്‍റിന്‍റെ ബാനറിൽ സിദ്ധാർഥ് ആനന്ദ് കുമാർ, വിക്രം മെഹ്റ, റിന്നി ദിവാകർ, സൂരജ് കുമാർ എന്നിവർ ചേർന്നാണ് 'കാസര്‍ഗോള്‍ഡി'ന്‍റെ നിര്‍മാണം. സരിഗമ ആണ് ചിത്രം അവതരിപ്പിക്കുന്നത്.
ജെബിൽ ജേക്കബ് ഛായാഗ്രഹണവും മനോജ് കണ്ണോത്ത് എഡിറ്റിംഗും നിര്‍വഹിച്ചിരിക്കുന്നു. സജിമോൻ പ്രഭാകർ ആണ് സിനിമയുടെ തിരക്കഥയും സംഭാഷണവും ഒരുക്കിയിരിക്കുന്നത്. വൈശാഖ് സുഗുണന്‍റെ ഗാനരചനയ്‌ക്ക് വിഷ്‌ണു വിജയ്, നിരഞ്ജ് സുരേഷ് എന്നിവർ ചേര്‍ന്നാണ് സംഗീതം പകര്‍ന്നിരിക്കുന്നത്.
കല - സജി ജോസഫ്, കോ-പ്രൊഡ്യൂസർ - സഹിൽ ശർമ, പരസ്യ കല - എസ് കെ ഡി ഡിസൈൻ ഫാക്‌ടറി, മേക്കപ്പ് - ജിതേഷ് പൊയ്യ, വസ്‌ത്രാലങ്കാരം - മസ്ഹർ ഹംസ, ചീഫ് അസോസിയേറ്റ് ഡയറക്‌ടർ - സുനിൽ കാര്യാട്ടുകര, പ്രൊഡക്ഷൻ കൺട്രോളർ - വിനോഷ് കൈമൾ, പ്രണവ് മോഹൻ, സ്‌റ്റിൽസ് - റിഷാദ് മുഹമ്മദ്, പ്രമോ സ്‌റ്റിൽസ് - രജീഷ് രാമചന്ദ്രൻ, സൗണ്ട് ഡിസൈൻ - രംഗനാഥ് രവി, ബിജിഎം - വിഷ്‌ണു വിജയ്, പിആർഒ - എഎസ് ദിനേശ്.
അതേസമയം 'കിഷ്‌കിന്ധാകാണ്ഡം' Kishkindhakandam ആണ് ആസിഫ് അലിയുടേതായി അണിയറയില്‍ ഒരുങ്ങുന്ന മറ്റൊരു പുതിയ ചിത്രം. അപര്‍ണ ബാലമുരളിയാണ് Aparna Balamurali ചിത്രത്തില്‍ ആസിഫിന്‍റെ നായികയായി എത്തുന്നത്. സിനിമയുടെ ചിത്രീകരണം ഈ അടുത്തിടെയാണ് ആരംഭിച്ചത്.
നേരത്തെ സിനിമയുടെ ടൈറ്റില്‍ ലോഗോ അണിയറപ്രവര്‍ത്തകര്‍ പുറത്തുവിട്ടിരുന്നു. മൂന്ന് ബുദ്ധി ശാലികളായ കുരങ്ങന്‍മാരുടെ കഥ എന്ന ടാഗ് ലൈനോടുകൂടിയുള്ളതായിരുന്നു ടൈറ്റില്‍ ലോഗോ. വ്യത്യസ്‌തമായ ഈ ടൈറ്റില്‍ ലോഗോ പ്രേക്ഷക ശ്രദ്ധ പിടിച്ചുപറ്റിയിരുന്നു.
Also Read:Kishkindhakandam Movie| കക്ഷി അമ്മിണിപ്പിള്ളയ്‌ക്ക് ശേഷം കിഷ്‌കിന്ധാകാണ്ഡം; ആസിഫ് അപര്‍ണ പുതിയ ചിത്രത്തിന് തുടക്കമായി
കക്ഷി അമ്മിണിപ്പിള്ളയ്‌ക്ക് ശേഷം ദിന്‍ജിത്ത് അയ്യത്താന്‍ സംവിധാനം ചെയ്യുന്ന ചിത്രമാണ് 'കിഷ്‌കിന്ധാകാണ്ഡം'. മേജര്‍ രവി, വിജയരാഘവന്‍, ജഗദീഷ്, അശോകന്‍, നിഷാന്‍, നിഴല്‍കള്‍ രവി, മാസ്‌റ്റര്‍ ആരവ്, വൈഷ്‌ണവി രാജ്, കോട്ടയം രമേശ്, അമല്‍ രാജ്, ജിബിന്‍ ഗോപാല്‍ തുടങ്ങിയവരും ചിത്രത്തില്‍ വേഷമിടും.
