മികച്ച പ്രതികരണവുമായി അപ്‌സര; ശ്യാം കൃഷ്‌ണൻ ഒരുക്കുന്ന ചിത്രം സൈന പ്ലേയിൽ

പുതുമുഖങ്ങളെ അണിനിരത്തി ഒരുക്കിയ അപ്‌സര, 100 സ്റ്റോറീസിന്‍റെ ബാനറിൽ ബിജേഷ് മത്തായി, സെബിൻ മാത്യു എന്നിവരാണ് നിർമ്മിച്ചിരിക്കുന്നത്.

എറണാകുളം:പുതുമുഖങ്ങളെ അണിനിരത്തി നവാ​ഗതനായ ശ്യാം കൃഷ്‌ണൻ തിരക്കഥയും സംവിധാനവും ചെയ്യുന്ന സർവൈവൽ ത്രില്ലർ ചിത്രം അപ്‌സര ഒടിടിയിൽ റിലീസ് ചെയ്‌തു. സൈന പ്ലേയിലാണ് ചിത്രം റിലീസ് ചെയ്‌തത്. ചിത്രത്തിന്‍റെ ഛായാ​ഗ്രഹണവും എഡിറ്റിങ്ങും ശ്യാം തന്നെയാണ് കൈകാര്യം ചെയ്‌തിരിക്കുന്നത്.

100 സ്റ്റോറീസിന്‍റെ ബാനറിൽ ബിജേഷ് മത്തായി, സെബിൻ മാത്യു എന്നിവരാണ് ചിത്രം നിർമിച്ചിരിക്കുന്നത്. പുതുമുഖങ്ങളായ അലൻ ചേറമ്മേൽ, ശരത് വിഷ്‌ണു ​ഗോപാൽ, കിൻഡർ ഓലിക്കൻ, ഷിജേഷ് ചന്ദ്രൻ, ബോബി, അഖില രാജൻ തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

അപ്‌സര

സാമുവൽ എബിയാണ് പശ്ചാത്തല സം​ഗീതം ഒരുക്കിയിരിക്കുന്നത്. ​ജയകുമാർ ചെങ്ങമനാട്, ബാൽ ആന്‍റണി പാപ്പു എന്നിവർ ചേർന്നാണ് ഗാനരചന നിർവഹിച്ചിരിക്കുന്നത്. പ്രമോദ് ചന്ദ്രനാണ് പ്രൊഡക്ഷൻ കൺട്രോളർ. ആർട്ട് മുരളി ബി, അമലേഷ്, സഹ സംവിധാനം സുമേഷ് എസ് എസ്, വൈശാഖ് എംഎസ്, മേക്കപ്പ് സുരേഷ് ചെമ്മനാട്.