Amitabh Bachchan new update about Runway 34: അജയ്‌ ദേവ്‌ഗണിന്‍റെ സംവിധാന സംരംഭം എന്ന പ്രത്യേകതകളോടെ ഒരുങ്ങുന്ന ചിത്രമാണ് 'റണ്‍വേ 34'. അജയ്‌ ദേവ്‌ഗണ്‍ നായകനായെത്തുന്ന ചിത്രത്തില്‍ അമിതാഭ്‌ ബച്ചനും സുപ്രധാന വേഷത്തിലെത്തുന്നുണ്ട്‌. 'റണ്‍വേ 34' ന്‍റെ പുതിയ ട്രെയ്‌ലറിനെ കുറിച്ചുള്ള വിവരവുമായി സോഷ്യല്‍ മീഡിയയില്‍ എത്തിയിരിക്കുകയാണ് അമിതാഭ്‌ ബച്ചന്‍.
Amitabh Bachchan about Runway 34 new trailer: 'യഥാര്‍ഥ സംഭവങ്ങളില്‍ നിന്നും പ്രചോദനം ഉള്‍ക്കൊണ്ടുള്ള ചിത്രമാണ് 'റണ്‍വേ 34'. 150 യാത്രക്കാരുമായി ചിത്രത്തില്‍ അജയ്‌ ദേവ്‌ഗണ്‍ യാത്ര തുടരുകയാണ്. 'റണ്‍വേ 34'ന്‍റെ പുതിയ ട്രെയ്‌ലര്‍ ഏപ്രില്‍ 11ന്‌ പുറത്തിറങ്ങും. 'അവന്‍ കുറ്റവാളിയോ രക്ഷകനോ..?' -ഇപ്രകാരമാണ് അമിതാഭ്‌ ബച്ചന്‍ ട്വീറ്റ്‌ ചെയ്‌തത്‌.
Runway 34 based on real incidents: യഥാര്‍ഥ സംഭവങ്ങളില്‍ നിന്ന് പ്രചോദനം ഉള്‍ക്കൊണ്ടാണ് 'റണ്‍വേ 34' ഒരുങ്ങുന്നത്‌. 2015ല്‍ ദോഹ-കൊച്ചി ജെറ്റ്‌ എയര്‍വേയ്‌സ്‌ അപകടത്തില്‍ നിന്ന് തലനാരിഴയ്ക്ക് രക്ഷപ്പെട്ടിരുന്നു. പറക്കുന്നതിനിടെ മുന്നോട്ടുള്ള കാഴ്‌ചയില്‍ വ്യക്തതക്കുറവ് അനുഭവപ്പെട്ടതാണ് പ്രശ്‌നമായത്. ഈ സംഭവത്തെ ആസ്‌പദമാക്കിയാണ് സിനിമ. അമിതാഭ്‌ ബച്ചന്‍, അജയ്‌ ദേവ്‌ഗണ്‍, രാകുല്‍ പ്രീത്‌ എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളായെത്തുന്നത്‌. ക്യാരി മിനാറ്റിയും സിനിമയില്‍ സുപ്രധാന വേഷത്തിലെത്തും.