അല്ഫോണ്സ് പുത്രന്‍റെ റിലീസിനൊരുങ്ങുന്ന ചിത്രമാണ് 'ഗോള്ഡ്'. നിരവധി തവണ റിലീസ് മാറ്റിവച്ചെങ്കിലും ഡിസംബര്‍ ഒന്നിന് എത്തുമെന്നാണ് ഒടുവില്‍ അണിയറപ്രവര്‍ത്തകര്‍ വ്യക്തമാക്കിയത്. റിലീസുമായി ബന്ധപ്പെട്ട് അല്ഫോണ്സ് പുത്രനെതിരെ വന്ന കമന്‍റുകള്‍ക്ക് സംവിധായകന്‍ നല്‍കിയ മറുപടി ശ്രദ്ധയാകര്‍ഷിക്കുകയാണ്.
ഗോള്ഡ് പോസ്‌റ്റര്‍ പങ്കുവച്ചതിന് പിന്നാലെ 'ആരാണ് അല്ഫോണ്സ് പുത്രന്‍'-എന്നൊരാള്‍ കമന്‍റ്‌ ചെയ്‌തിരുന്നു. ഇതിന് ചുട്ട മറുപടി നല്‍കിയിരിക്കുകയാണ് സംവിധായകന്‍.
'എന്‍റെ പടം റിലീസ് ചെയ്യുമ്പോള്‍ തിയേറ്ററുകളിലേക്ക് വാ. അപ്പോള്‍ മനസ്സിലാകും ഞാന്‍ ആരാണെന്ന്'- ഇപ്രകാരമായിരുന്നു അല്ഫോണ്സ് പുത്രന്‍റെ മറുപടി. ഇത് സോഷ്യല്‍ മീഡിയയില്‍ വൈറലായിരിക്കുകയാണ്. പിന്നാലെ നിരവധി ട്രോളുകളും ഇറങ്ങിയിട്ടുണ്ട്.
നിവിന്‍ പോളി നായകനായ 'പ്രേമം' സിനിമയ്‌ക്ക് ശേഷം അല്ഫോണ്സ് പുത്രന്‍ സംവിധാനം ചെയ്യുന്ന ചിത്രമാണ് 'ഗോള്ഡ്'. അദ്ദേഹത്തിന്‍റെ മൂന്നാമത്തെ ചിത്രം കൂടിയാണിത്. പൃഥ്വിരാജ് പ്രൊഡക്ഷന്‍സ്‌, മാജിക് ഫ്രെയിംസ് എന്നീ ബാനറുകളില്‍ പൃഥ്വിരാജും ലിസ്‌റ്റിന്‍ സ്‌റ്റീഫനും ചേര്‍ന്നാണ് നിര്‍മാണം.
Also Read:പൃഥ്വിരാജിന്‍റെ 'ഗോള്ഡ്' സര്‍പ്രൈസ് തന്നെ, റിലീസ് തീയതി പുറത്തുവിടുന്നത് നവംബര്‍ 23ന്
പൃഥ്വിരാജും നയന്‍താരയും ഒന്നിച്ചെത്തുന്ന ചിത്രത്തില്‍ അജ്‌മല്‍ അമീര്‍, ലാലു അലക്‌സ്, ഷമ്മി തിലകന്‍, ജഗദീഷ്, സൈജു കുറുപ്പ്, ദീപ്‌തി സതി, ബാബുരാജ്, വിനയ്‌ ഫോര്‍ട്ട്, ചെമ്പന്‍ വിനോദ് ജോസ്‌, ജാഫര്‍ ഇടുക്കി, റോഷന്‍ മാത്യു, മല്ലിക സുകുമാരന്‍, ശാന്തി കൃഷ്‌ണ, കൃഷ്‌ണ ശങ്കര്‍ തുടങ്ങി നിരവധി താരങ്ങളും ചിത്രത്തില്‍ അണിനിരക്കുന്നു.
