ആലിയ ഭട്ട് നിർമാതാവാകുന്ന ചിത്രം ഡാർലിങ്സ് നെറ്റ്‌ഫ്ലിക്‌സിലൂടെ റിലീസ് ചെയ്യുമെന്ന് താരം. ഷാരൂഖ് ഖാന്‍റെ റെഡ് ചില്ലീസ് എന്‍റർടെയ്‌ൻമെന്‍റുമായി സഹകരിച്ച് ആലിയ ഭട്ടിന്‍റെ എറ്റേണൽ സൺഷൈൻ പ്രൊഡക്ഷൻസിന്‍റെ ബാനറിൽ നിർമിക്കുന്ന ചിത്രത്തിൽ ആലിയ ഭട്ടും പ്രധാന വേഷത്തിലെത്തുന്നുണ്ട്.
ചിത്രം നെറ്റ്ഫ്ലിക്‌സിൽ റിലീസ് ചെയ്യുന്നുവെന്ന വാർത്ത താരം തന്നെയാണ് തന്‍റെ സമൂഹ മാധ്യമങ്ങളിലൂടെ ആരാധകരോട് പങ്കുവെച്ചത്. "ഹേയ്, ഡാർലിങ്സ്, എനിക്ക് നിങ്ങളോട് വലിയൊരു കാര്യം പറയാനുണ്ട്, പക്ഷേ ഇവിടെ നെറ്റ്‌വർക്ക് നല്ലതല്ല. ഹലോ..ഹലോ? #Darlings #DarlingsOnNetflix" താരം പങ്കുവച്ച വീഡിയോയ്‌ക്കൊപ്പം കുറിച്ചു.