അജു വര്‍ഗീസിനെ Aju Varghese നായകനാക്കി വിഷ്‌ണു ഭരതന്‍ Vishnu Bharathan സംവിധാനം ചെയ്യുന്ന ഏറ്റവും പുതിയ ചിത്രമാണ് 'ഫീനിക്‌സ്' Phoenix. 'ഫീനിക്‌സി'ന്‍റെ ഫസ്‌റ്റ് ലുക്ക് പോസ്‌റ്റര്‍ Phoenix First Look Poster റിലീസ് ചെയ്‌തു. വളരെ നിഗൂഢത നിറഞ്ഞതാണ് ഫീനിക്‌സിന്‍റെ ഫസ്‌റ്റ് ലുക്ക് പോസ്‌റ്റര്‍.
അഞ്ച് പേര്‍ അടങ്ങുന്നതാണ് പോസ്‌റ്ററെങ്കിലും, പോസ്‌റ്ററിന്‍റെ നിഴലില്‍ ആറ് പേരെയാണ് കാണാനാവുക. ഹൊറര്‍ ത്രില്ലര്‍ വിഭാഗത്തില്‍ ഒരുങ്ങുന്ന ചിത്രത്തില്‍ അജു വര്‍ഗീസിനെ കൂടാതെ അനൂപ് മേനോന്‍, ചന്തുനാഥ് എന്നിവരും പ്രധാന വേഷങ്ങളില്‍ എത്തും.
ഫ്രണ്ട് റോ പ്രൊഡക്ഷന്‍സിന്‍റെ ബാനറില്‍ റിനീഷ് കെ.എന്‍ ആണ് സിനിമയുടെ നിര്‍മാണം നിര്‍വഹിക്കുക. 21 ഗ്രാംസ് എന്ന സൂപ്പര്‍ ഹിറ്റ് ചിത്രത്തിന്‍റെ വിജയത്തിന് ശേഷമുള്ള ഫ്രണ്ട് റോ പ്രൊഡക്ഷന്‍സിന്‍റെ ചിത്രം കൂടിയാണിത്. ആല്‍ബിയാണ് സിനിമയുടെ ഛായാഗ്രാഹകന്‍. നിതീഷ് കെടിആര്‍ എഡിറ്റിംഗും നിര്‍വഹിക്കും. വിനായക് ശശികുമാര്‍ ഗാനരചനയും സാം സി എസ് ആണ് സംഗീതവും ഒരുക്കും.
'അഞ്ചാം പാതിര' Anjaam Pathiraa എന്ന സിനിമയുടെ തിരക്കഥാകൃത്തും സംവിധായകനുമായ മിഥുന്‍ മാനുവല്‍ തോമസാണ് Midhun Manuel Thomas ഈ സിനിമയ്‌ക്ക് തിരക്കഥ ഒരുക്കുന്നത് എന്നതാണ് ചിത്രത്തിന്‍റെ ഏറ്റവും വലിയ പ്രത്യേകതകളില്‍ ഒന്ന്. സുരേഷ് ഗോപിയും ബിജു മേനോനും ഒന്നിച്ചെത്തുന്ന 'ഗരുഡന്‍' Garudan എന്ന സിനിമയ്‌ക്ക് വേണ്ടി തിരക്കഥ ഒരുക്കുന്നതും മിഥുന്‍ മാനുവന്‍ തോമസ് ആണ്. 11 വര്‍ഷങ്ങള്‍ക്ക് ശേഷമാണ് 'ഗരുഡന്‍' എന്ന ചിത്രത്തിന് വേണ്ടി സുരേഷ് ഗോപിയും Suresh Gopi ബിജു മേനോനും Biju Menon ഒന്നിച്ചെത്തുന്നത്.