Bholaa box office collection: ബോളിവുഡ് താരം അജയ് ദേവ്‌ഗണിന്‍റേതായി ഏറ്റവും ഒടുവില്‍ തിയേറ്ററുകളില്‍ എത്തിയ ചിത്രമാണ് 'ഭോല'. മാര്‍ച്ച് 30ന് തിയേറ്ററുകളിലെത്തിയ സിനിമയുടെ രണ്ടാം ദിന ബോക്സ് ഓഫീസ് കലക്ഷന് റിപ്പോര്‍ട്ട് പുറത്ത്. ബോക്സ് ഓഫീസില്‍ മികച്ച ഓപ്പണിംഗ് നേടിയ ശേഷം രണ്ടാം ദിനത്തില്‍ അക്കങ്ങള്‍ തികയ്‌ക്കാന്‍ 'ഭോല'യ്‌ക്ക് പാടുപെടേണ്ടി വന്നു.
Ajay Devgn recently released movie Bholaa: ആദ്യ ദിനം 11.20 കോടി രൂപയാണ് ഭോല സ്വന്തമാക്കിയത്. എന്നാല്‍ രണ്ടാം ദിനത്തില്‍ ഏഴ് കോടി രൂപ മാത്രമാണ് ചിത്രം നേടിയത്. ആകെ 18.20 കോടി രൂപയാണ് ഭോലയുടെ ഇതുവരെയുള്ള കലക്ഷന്.
Bholaa opening day collection: പ്രദര്‍ശന ദിനം ചിത്രത്തിന് മികച്ച പ്രതികരണമാണ് തിയേറ്ററുകളില്‍ നിന്നും ലഭിച്ചത്. സിനിമയ്‌ക്ക് പോസിറ്റീവ് റിവ്യൂകള്‍ ലഭിച്ചിട്ടും ദേശീയ തലത്തില്‍ ചിത്രത്തിന് 25 ശതമാനം ഇടിവുണ്ടായതായി റിപ്പോര്‍ട്ടുകള്‍.
Bholaa movie performance par with Shivaay: അതേസമയം അജയ് ദേവ്‌ഗണിന്‍റെ ഏറ്റവും പുതിയ ചിത്രമായ 'ദൃശ്യം 2' ബോക്സ് ഓഫീസിൽ 200 കോടിയിലധികം രൂപ സ്വന്തമാക്കിയിരുന്നു. എന്നാല്‍ അജയ് ദേവ്‌ഗണ്‍ സംവിധാനം ചെയ്‌ത മറ്റൊരു ചിത്രമായ 'ശിവാ'യ്‌ക്ക് തുല്യമായിരുന്നു 'ഭോല'യുടെ കലക്ഷന്. ആദ്യ ദിനം 10.24 കോടി രൂപയാണ് 'ശിവായ്' നേടിയതെങ്കിലും ചിത്രത്തിന് 100 കോടി രൂപ പിന്നിടാന്‍ കഴിഞ്ഞിരുന്നു.