Mohanlal Jeethu Joseph movie: മോഹന്‍ലാല്‍ ജീത്തു ജോസഫ്‌ കൂട്ടികെട്ടിലൊരുങ്ങുന്ന പുതിയ ചിത്രത്തിനായുള്ള കാത്തിരിപ്പിലാണ് നാളേറെയായി ആരാധകര്‍. 'ദൃശ്യം 2'ന്‌ ശേഷം ഈ കൂട്ടുകെട്ടിലൊരുങ്ങുന്ന ചിത്രമാണ് 'ട്വല്‍ത്ത്‌ മാന്‍'. ഇപ്പോഴിതാ 'ട്വല്‍ത്ത്‌ മാന്‍' ഒടിടി റിലീസിനൊരുങ്ങുകയാണ്.
12th Man OTT Release: ഹോട്ട്‌സ്‌റ്റാറിലൂടെ ഡയറക്‌ട്‌ റിലീസായാണ് ചിത്രം പ്രേക്ഷകര്‍ക്ക്‌ മുമ്പിലെത്തുക. മോഹന്‍ലാലാണ് ഫേസ്‌ബുക്കിലൂടെ ഇക്കാര്യം ആരാധകരെ അറിയിച്ചിരിക്കുന്നത്‌. അതേസമയം റിലീസ്‌ തീയതി പുറത്തുവിട്ടിട്ടില്ല. ചിത്രം ഉടന്‍ തന്നെ റിലീസാകുമെന്നാണ്‌ താരം പങ്കുവച്ച പോസ്‌റ്ററില്‍ നിന്നും വ്യക്തമാകുന്നത്‌.
മിസ്‌റ്ററി ത്രില്ലര്‍ വിഭാഗത്തിലായാണ്‌ ചിത്രം ഒരുങ്ങുന്നത്‌. സ്വന്തം തിരക്കഥയിലല്ലാതെ ജീത്തു ജോസഫ്‌ സംവിധാനം ചെയ്യുന്ന ആദ്യ മോഹന്‍ലാല്‍ ചിത്രമെന്ന പ്രത്യേകതയോടു കൂടിയാണ് 'ട്വല്‍ത്ത്‌ മാന്‍' റിലീസിനെത്തുന്നത്‌. കഴിഞ്ഞ വര്‍ഷം ഒക്‌ടോബറിലാണ്‌ 'ട്വല്‍ത്ത്‌ മാനി'ന്‍റെ ചിത്രീകരണം ആരംഭിച്ചത്‌.
12th Man location: ഒരു ലൊക്കേഷന്‍ തന്നെയാണ് സിനിമയില്‍ കൂടുതലും ഉള്ളതെന്ന്‌ ജീത്തു ജോസഫ്‌ നേരത്തെ വ്യക്തമാക്കിയിരുന്നു. ഇടുക്കിയിലെ കുളമാവ്‌ ആയിരുന്നു ചിത്രത്തിന്‍റെ പ്രധാന ലൊക്കേഷന്‍. 14 പേരോളം മാത്രം അണിനിരക്കുന്ന ചിത്രം ഒറ്റ ദിവസത്തെ സംഭവമാണ് കഥയാകുന്നത്‌.
12th Man cast ad crew: അഞ്ച്‌ നായികമാരാണ് ചിത്രത്തില്‍. ആശിര്‍വാദ്‌ സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് നിര്‍മാണം. നവാഗതനായ കെ.ആര്‍ കൃഷ്‌ണകുമാര്‍ ആണ് ചിത്രത്തിന്‍റെ രചന നിര്‍വഹിച്ചിരിക്കുന്നത്‌. ഉണ്ണി മുകുന്ദന്‍, അനുശ്രീ, ലിയോണ ലിഷോയ്‌, അദിതി രവി, വീണ നന്ദകുമാര്‍, ഷൈന്‍ ടോം ചാക്കോ, സൈജു കുറുപ്പ്‌, ശാന്തി പ്രിയ, ശിവദ, പ്രിയങ്ക നായര്‍ തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കും. സതീഷ്‌ കുറുപ്പ്‌ ആണ് ഛായാഗ്രഹണം.
Mohanlal latest movies: വൈശാഖ്‌ ചിത്രം 'മോണ്‍സ്‌റ്റര്‍', ഷാജി കൈലാസ്‌ ചിത്രം 'എലോണ്‍' എന്നിവയാണ് മോഹന്‍ലാലിന്‍റേതായി റിലീസിനൊരുങ്ങുന്ന മറ്റു ചിത്രങ്ങള്‍. 'ആറാട്ട്‌' ആണ് മോഹന്‍ലാലിന്‍റേതായി ഏറ്റവും ഒടുവില്‍ തിയേറ്ററുകളിലെത്തിയ ചിത്രം.
Also Read: താടി നീട്ടി വളര്‍ത്തി മോഹന്‍ലാല്‍; 'ബറോസ്‌' പുതിയ ലൊക്കേഷന്‍ ക്ലിക്ക് തരംഗം
