കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് നേരെ വിവാദ പരാമര്‍ശവുമായി മഹാരാഷ്ട്രയിലെ ബിജെപി മന്ത്രി പങ്കജ മുണ്ടെ. ബലാക്കോട്ട് മിന്നലാക്രമണത്തിന്‍റെ തെളിവ് ചോദിച്ച രാഹുല്‍ ഗാന്ധിയെ ബോംബ് കെട്ടിവെച്ച് മറ്റൊരു രാജ്യത്തേക്ക് അയക്കണമെന്ന് പങ്കജ മുണ്ടെ പറഞ്ഞു. രാഹുല്‍ ഉള്‍പ്പെടെ നിരവധി പ്രതിപക്ഷ കക്ഷി നേതാക്കള്‍ വ്യോമാക്രമണത്തിന്‍റെ തെളിവ് ആവശ്യപ്പെട്ടിരുന്നു. ഇതിന്‍റെ പശ്ചാത്തലത്തിലാണ് അന്തരിച്ച ബിജെപി നേതാവ് ഗോപിനാഥ് മുണ്ടെയുടെ മകളുടെ വിവാദ പരാമര്‍ശം. സൈന്യത്തിനെതിരായ ഭീരുത്വം നിറഞ്ഞ ആക്രമണത്തിന് പിന്നാലെ നമ്മള്‍ തിരിച്ചടിച്ചു. എന്താണ് മിന്നലാക്രമണം എന്നും തെളിവുണ്ടോയെന്നും ചിലര്‍ ചോദിച്ചു. രാഹുല്‍ ഗാന്ധിക്ക് ചുറ്റും ബോംബ് കെട്ടിവെച്ച് മറ്റൊരു രാജ്യത്തേക്ക് അയക്കണം. അപ്പോഴേ അവര്‍ മനസിലാക്കൂവെന്ന് പങ്കജ മഹാരാഷ്ട്രയിലെ ജല്‍നയില്‍ നടന്ന തെരഞ്ഞെടുപ്പ് റാലിയില്‍ പറഞ്ഞു.
രാഹുല്‍ ഗാന്ധിയെ ബോംബ് കെട്ടിവെച്ച് നാടുകടത്തണമെന്ന് ബിജെപി മന്ത്രി
ബിജെപിയെ വീണ്ടും അധികാരത്തിലെത്തിച്ചാല്‍ ഭരണഘടന തിരുത്തുമെന്ന പങ്കജ മുണ്ടെയുടെ മുന്‍ പരാമര്‍ശവും വിവാദമായിരുന്നു
രാഹുല്‍ ഗാന്ധിയെ ബോംബ് കെട്ടിവെച്ച് നാടുകടത്തണമെന്ന് ബിജെപി മന്ത്രി
നേരത്തേ മിന്നലാക്രമണത്തെ ബിജെപി രാഷ്ട്രീയവത്കരിക്കുന്നു എന്നാരോപിച്ച് കോണ്‍ഗ്രസ് ഉള്‍പ്പെടെയുള്ള പ്രതിപക്ഷ കക്ഷികള്‍ രംഗത്തെത്തിയിരുന്നു. തുടര്‍ച്ചയായ രണ്ടാം തവണയാണ് പങ്കജ് മുണ്ടെ വിവാദ പരാമര്‍ശം നടത്തുന്നത്. ബിജെപിക്ക് വോട്ട് ചെയ്ത് ആധികാരത്തിലെത്തിച്ചാല്‍ ഭരണഘടന തിരുത്തുമെന്ന പരാമര്‍ശം വലിയ വിമര്‍ശനങ്ങള്‍ക്ക് ഇടയാക്കിയിരുന്നു.