പാലക്കാട്: ശബരിമല വിഷയം ബിജെപിക്കോ യുഡിഎഫിനോ വോട്ടാക്കാന്‍ സാധിക്കില്ലെന്ന് മന്ത്രി എകെ ബാലൻ. ഇക്കാര്യം തദ്ദേശ തെരഞ്ഞെടുപ്പിലടക്കം വ്യക്തമായതാണെന്നും അദ്ദേഹം പറഞ്ഞു. ബിജെപിയെ ജയിപ്പിക്കാന്‍ കോണ്‍ഗ്രസ് ഗൂഢാലോചന നടത്തുന്ന കാര്യം പാലക്കാടും മലമ്പുഴയിലും വ്യക്തമാണെന്നും അദ്ദേഹം ആരോപിച്ചു.
'ശബരിമല വിഷയം വോട്ടാകില്ല'; ബിജെപിയെ ജയിപ്പിക്കാന്‍ കോണ്‍ഗ്രസ് ശ്രമമെന്നും എകെ ബാലന്‍ - കോണ്‍ഗ്രസ്
സംസ്ഥാനത്ത് നൂറിൽ കുറയാത്ത സീറ്റിൽ എൽഡിഎഫ് ജയിക്കും. സര്‍വേഫലം പ്രതിപക്ഷനേതാവിന്‍റെ മനോഗതിയെ മാറ്റിയെന്നും എകെ ബാലന്‍
'ശബരിമല വിഷയം വോട്ടാവില്ല, ബിജെപിയെ ജയിപ്പിക്കാന്‍ കോണ്‍ഗ്രസ് ശ്രമം'; എകെ ബാലന്‍
പാലക്കാട് 12 സീറ്റിലും എൽഡിഎഫ് തന്നെ വിജയിക്കുമെന്നും എകെ ബാലന്‍ കൂട്ടിച്ചേര്‍ത്തു. ഇടതുപക്ഷം തുടർഭരണം നേടുമെന്ന സർവേഫലങ്ങൾ കണ്ട് പ്രതിപക്ഷം പിടയുകയാണ്. പ്രമുഖ മാധ്യമങ്ങളെ ഇടതുപക്ഷം ചാക്കിട്ടുപിടിച്ചുവെന്നാണ് പ്രതിപക്ഷ നേതാവ് ആരോപിക്കുന്നത്. അദ്ദേഹത്തിന്‍റെ മനോവ്യാപാരം എത്രത്തോളം അധഃപതിച്ചുവെന്നതിന്‍റെ തെളിവാണ് ഈ പിടയൽ. സംസ്ഥാനത്ത് നൂറിൽ കുറയാത്ത സീറ്റിൽ എൽഡിഎഫ് വിജയിക്കുമെന്നും എകെ ബാലൻ പ്രതികരിച്ചു.