ഇടുക്കി : സഹോദരിയെ പ്രണയിച്ചതിന്‍റെ പേരില്‍ യുവാവ് സുഹൃത്തിനെ കൊലപ്പെടുത്തി. ഇടുക്കി വണ്ടന്‍മേട് മണിയംപെട്ടി സ്വദേശി രാജ്‌കുമാറിനെ സുഹൃത്തായ പ്രവീണ്‍കുമാര്‍ മദ്യത്തില്‍ വിഷം കലര്‍ത്തി കൊലപ്പെടുത്തുകയായിരുന്നു. പ്രവീണ്‍ കുമാറിനെ പൊലീസ് അറസ്റ്റുചെയ്തു.
കഴിഞ്ഞ തിങ്കളാഴ്ച(14.03.2022) രാത്രിയിലാണ് കൊലപാതകം നടന്നത്. പ്രവീണ്‍കുമാറിന്‍റെ സഹോദരിയുമായി രാജ്‌കുമാര്‍ പ്രണയത്തിലായതിന്‍റെ വൈരാഗ്യമാണ് കൊലപാതകത്തിലേയ്ക്ക് നയിച്ചത്. കഴിഞ്ഞ ദിവസം പകല്‍, കൊല്ലപ്പെട്ട രാജ്‌കുമാറും പ്രവീണ്‍കുമാറും, തമിഴ്‌നാട് അതിര്‍ത്തിയിലെ വന മേഖലയില്‍ എത്തുകയും മദ്യപിയ്ക്കുകയും ചെയ്തിരുന്നു. ഇതിനിടെ പ്രവീണ്‍കുമാര്‍ മദ്യത്തില്‍ വിഷം കലര്‍ത്തി.
സഹോദരിയെ പ്രണയിച്ചതിന് യുവാവ് സുഹൃത്തിനെ കൊലപ്പെടുത്തി