തിരുവനന്തപുരം:തിരുവനന്തപുരം വാഴിച്ചാല്ലിൽ വീട്ടിൽ കഞ്ചാവ് ചെടി വളർത്തിയ യുവാവ് പിടിയിൽ .നുളളിയോട് തടപ്പരിയത്ത് വീട്ടിൽ അശോക കുമാറിൻ്റെ മകൻ ഉണ്ണിയെന്ന ശ്രീജിത്താണ് അറസ്റ്റിലായത് . കഴിഞ്ഞ ദിവസം രാത്രി ഇയാളുടെ വീട്ടിൽ നടത്തിയ പരിശോധനയിലാണ് 9 ഓളം കഞ്ചാവ് ചെടി ടെറസിൽ നിന്നും ആര്യൻക്കോട് പോലീസ് കണ്ടെടുത്തത് .
പ്രതിക്കെതിരെ എൻ.ഡി. പി.എസ് വകുപ്പ് ചുമത്തിയിട്ടുണ്ട്. ചെമ്പൂർ സ്കൂളിൽ വിദ്യാർത്ഥികൾ തമ്മിൽ നടന്ന തർക്കത്തിൽ പ്ലസ് 2 വിദ്യാർത്ഥിയെ കുത്തിയ കേസിലെ ഒന്നാം പ്രതിയുമാണ് അറസ്റ്റിലായ ശ്രീജിത്ത് . ഈ കേസിന് ഇയാളെ അറസ്റ്റ് ചെയ്യുന്നതിനിടെ സംശയം തോന്നിയാണ് തെരച്ചിൽ നടത്തിയത്.