ആനയെ തളയ്‌ക്കുന്നതുമായി ബന്ധപ്പെട്ട് തര്‍ക്കം: മൂന്നാറില്‍ സഹപ്രവര്‍ത്തകന്‍റെ കുത്തേറ്റ് യുവാവ് മരിച്ചു

മൂന്നാർ മാട്ടുപെട്ടി റോഡില്‍ പ്രവര്‍ത്തിക്കുന്ന ആനസവാരി കേന്ദ്രത്തിലാണ് സംഭവം

ഇടുക്കി:മൂന്നാറിൽ ആനസവാരി കേന്ദ്രത്തിലെ ജീവനക്കാരനായ യുവാവിനെ സഹപ്രവർത്തകൻ കൊലപ്പെടുത്തി. തൃശൂർ സ്വദേശി ബിമൽ ആണ് (32) കൊല്ലപ്പെട്ടത്. കൊലപാതകത്തിൽ സഹപ്രവർത്തകനായ മണികണ്‌ഠനെ പൊലീസ് പിടികൂടി.

ഇരുവരും മൂന്നാർ മാട്ടുപ്പെട്ടി റോഡിൽ പ്രവർത്തിക്കുന്ന ആന സവാരി കേന്ദ്രത്തിലെ ജീവനക്കാരാണ്. ആനയെ തളക്കുന്നതുമായി ബന്ധപ്പെട്ട തർക്കമാണ് കൊലപാതക കാരണമെന്നാണ് പൊലീസിന്‍റെ പ്രാഥമിക നി​ഗമനം.