ജംഷഡ്‌പുര്‍ (ജാര്‍ഖണ്ഡ്): വിദേശത്ത് നിന്ന് കൊണ്ടുവന്ന പാമ്പുകളും മറ്റ് വിഷ വസ്‌തുക്കളുമായി സ്‌ത്രീ പിടിയില്‍. വിപണിയില്‍ കോടികള്‍ വിലവരുന്ന വിദേശത്ത് നിന്ന് കൊണ്ടുവന്ന 28 ഓളം പാമ്പുകളും വിഷ വസ്‌തുക്കളുമായി നീലാഞ്ചല്‍ എക്‌സ്പ്രസിലെത്തിയ സ്‌ത്രീയെ ടാറ്റ നഗര്‍ റെയില്‍വെ സ്‌റ്റേഷന്‍ പൊലീസാണ് പിടികൂടിയത്. സ്‌ത്രീയില്‍ നിന്നും ഈ ജീവികളെ പിടിച്ചെടുത്ത പൊലീസ് ലേലം മറ്റുമുള്ള നടപടികള്‍ക്കായി വനം വകുപ്പിന് കൈമാറി.
ഒരു സ്‌ത്രീ ബാഗ് നിറയെ വിദേശയിനം പാമ്പുകളുമായി ഡല്‍ഹിയിലേക്ക് ടാറ്റ നഗര്‍ വഴി ട്രെയിനില്‍ സഞ്ചരിക്കുന്നതായി ഖരഗ്‌പുര്‍ കണ്‍ട്രോള്‍ റൂമില്‍ നിന്ന് വിവരം ലഭിച്ചു. തുടര്‍ന്ന് നടത്തിയ അന്വേഷണത്തിലാണ് ഇവരെ പിടികൂടിയതെന്നും ഇവരുടെ ബാഗില്‍ നിന്നും വിദേശയിനം പാമ്പുകള്‍, പച്ച ഓന്ത്, വിഷകാരിയായ ചിലന്തി, കറുത്ത പുഴു തുടങ്ങിയവ കണ്ടെടുത്തുവെന്നും ടാറ്റ നഗര്‍ റെയില്‍വെ പൊലീസ് സ്‌റ്റേഷന്‍ ഇന്‍ ചാര്‍ജ് സഞ്ജയ് തിവാരി പറഞ്ഞു. ഈ ബാഗ് കൈമാറിയ ആളെ കുറിച്ച് ഇവര്‍ പൊലീസിനോട് പറഞ്ഞു. എന്നാല്‍ ഡല്‍ഹിയിലുള്ള അറിയാത്ത ഒരാള്‍ക്കാണ് ഇതു കൈമാറേണ്ടിയിരുന്നതെന്നാണ് ഇവര്‍ അറിയിച്ചതെന്നും പൊലീസ് വ്യക്തമാക്കി.
പൂനെ സ്വദേശിനിയായ ഇവര്‍ നാഗാലാന്‍റിലെ ദിമപുറില്‍ നിന്നാണ് ഈ ചരക്ക് കൈപ്പറ്റിയിരിക്കുന്നത്. നാഗാലാന്‍റില്‍ നിന്ന് ഗുവാഹത്തിയിലെത്തിയ ഇവര്‍ പിന്നീട് ഹൗറയിലേക്ക് പോയി. ഹൗറയില്‍ നിന്ന് ഹിജ്‌ലിയിലേക്കും ഇവിടെ നിന്ന് ഡല്‍ഹിയിലേക്ക് കടക്കുന്നതിനിടെയാണ് അറസ്‌റ്റിലാകുന്നതെന്നും ആര്‍പിഎഫ് സ്‌റ്റേഷന്‍ ഇന്‍ ചാര്‍ജ് സഞ്ജയ് തിവാരി പറഞ്ഞു. പിടികൂടിയ പാമ്പുകളെ കുറിച്ച് അറിയാനായി വിദഗ്‌ധനെ സ്‌റ്റേഷനിലേക്ക് വിളിച്ചിട്ടുണ്ടെന്നും വനം വകുപ്പിനെ വിവരമറിയിച്ചതായും അദ്ദേഹം കൂട്ടിച്ചേര്‍ത്തു.
അതേസമയം പിടികൂടിയ പാമ്പുകള്‍ ദക്ഷിണാഫ്രിക്കയില്‍ നിന്നുള്ള ഇനവും വിപണിയില്‍ കോടികള്‍ വിലയുള്ളതുമാണ്. ഇതിലെ സ്‌നേക് സാന്‍ഡ് ബോഅ അന്താരാഷ്‌ട്ര വിപണിയില്‍ 25 കോടി രൂപ വിലയുള്ളവയാണ്. പിടികൂടിയ മറ്റ് ഇനങ്ങളായ ബോല്‍ പൈത്തണ്‍, വൈറ്റ് ബോല്‍ പൈത്തണ്‍ എന്നിവക്ക് യഥാക്രമം 25,000 രൂപയും 40,000 രൂപയും വിപണിയില്‍ വില വരും. മാത്രമല്ല കൂട്ടത്തിലുള്ള ഗ്രീന്‍ ഇഗ്വാന ലിസാര്‍ഡ് ഇനത്തില്‍പെട്ട പച്ച ഓന്തിന് 20,000 മുതല്‍ 50,000 രൂപ വരെ വിപണി മൂല്യമുണ്ട്. ഇവകൂടാതെ 200 രൂപ വില വരുന്ന വിഷകാരിയായ കരിവണ്ട് എന്നിവയും പിടിച്ചെടുത്ത കൂട്ടത്തിലുണ്ട്.
