കാസർകോട് : പ്രവാസിയെ തട്ടിക്കൊണ്ടുപോയി ബന്ദിയാക്കി കൊലപ്പെടുത്തിയ കേസില്‍ മുഖ്യപ്രതിയടക്കം രണ്ടുപേര്‍ പിടിയില്‍. മുഖ്യപ്രതിയായ പൈവളിഗ സ്വദേശിയെ ഗോവയില്‍ നിന്നാണ് പൊലീസ് പിടികൂടിയത്. ഇരുവരുടെയും പേരുവിവരങ്ങള്‍ പൊലീസ് പുറത്തുവിട്ടിട്ടില്ല.
പ്രതികളുടെ അറസ്റ്റ് ഉടന്‍ രേഖപ്പെടുത്തിയേക്കും. അതേസമയം സിദ്ദിഖിനെ ബന്ദിയാക്കി കൊലപ്പെടുത്തിയ വീടും അന്വേഷണം സംഘം കണ്ടെത്തി. പൈവളിഗയിൽ നിന്നും അഞ്ച് കിലോമീറ്റർ അകലെ കയ്യാർകാടുള്ള വീട്ടിലാണ് സിദ്ദിഖിനെ ബന്ദിയാക്കിയിരുന്നത്. വീട്ടില്‍ നടത്തിയ പരിശോധനയില്‍ നിന്ന് കൊലപാതകത്തിന്‍റെ തെളിവുകള്‍ പൊലീസ് കണ്ടെത്തി.