കോഴിക്കോട്:വടകര കല്ലേരിയില്‍ യുവാവിനെ വീട്ടില്‍ നിന്ന് വിളിച്ചിറക്കി മര്‍ദനത്തിന് ഇരയാക്കിയ ശേഷം കാര്‍ കത്തിച്ച സംഭവത്തില്‍ മൂന്ന് പേര്‍ കസ്റ്റഡിയില്‍. നാദാപുരം വെള്ളൂക്കര സ്വദേശി വിശ്വജിത്ത്, കണ്ണൂര്‍ ചൊക്ലി സ്വദേശി ഷമ്മാസ്, പെരിങ്ങത്തൂര്‍ സ്വദേശി സവാദ് എന്നിവരെ ചൊവ്വാഴ്‌ച പുലര്‍ച്ചെ ഒന്നരയോടെയാണ് വടകര പൊലീസ് കസ്റ്റഡിയിലെടുത്തത്.
കഴിഞ്ഞ ദിവസമാണ് കല്ലേരി സ്വദേശിയായ ബിജുവിനെ മര്‍ദിച്ച ശേഷം ഇവര്‍ കാര്‍ കത്തിച്ചത്. തുടര്‍ന്ന് ബിജുവിനെയും കസ്റ്റഡിയില്‍ എടുത്തവരെയും ഒരുമിച്ച് പൊലീസ് ചോദ്യം ചെയ്‌തു. വ്യക്തി വൈരാഗ്യമാണ് മര്‍ദനത്തിന് കാരണമെന്നാണ് ബിജു പൊലീസിനോട് പറഞ്ഞത്.