മലപ്പുറം : അനധികൃത മദ്യ വില്‍പനയുണ്ടെന്ന് വിവരം ലഭിച്ചതിനെ തുടര്‍ന്ന് അന്വേഷണത്തിനെത്തിയ പൊലീസുകാര്‍ക്ക് നേരെ അക്രമം. എടവണ്ണ പോലീസ് സ്റ്റേഷനിലെ എസ് ഐ ശുഹൈബിന് പരിക്കേറ്റു. സംഭവത്തില്‍ തിരുവാലി സ്വദേശി ബിനോയിയെ പൊലീസ് അറസ്റ്റ് ചെയ്തു.
അനധികൃത മദ്യ വില്പനയെ കുറിച്ച് വിവരം ലഭിച്ചതിനെ തുടര്‍ന്നാണ് എസ് ഐ ശുഹൈബ് ഉൾപ്പടെയുള്ള പോലീസ് സംഘം പരിശോധനയ്ക്കായി തിരുവാലിൽ എത്തിയത്. ഇയാള്‍ വീട്ടില്‍ മദ്യവില്‍പന നടത്തുന്നുവെന്നായിരുന്നു വിവരം. മുറ്റത്ത് നിര്‍ത്തിയിട്ട ഓട്ടോറിക്ഷ പരിശോധിക്കവെ മാരകായുധങ്ങളുമായെത്തിയ സംഘം പൊലീസുകാരെ ആക്രമിക്കുകയായിരുന്നു.
മലപ്പുറത്ത് വീട്ടിലെ മദ്യവില്‍പന അന്വേഷിക്കാനെത്തിയ പൊലീസിന് നേരെ അക്രമം