ഭോപ്പാല്‍: മധ്യപ്രദേശിലെ ഗ്വാളിയോറില്‍ സ്‌ത്രീകളുടെ അടിവസ്‌ത്രം മോഷ്‌ടിക്കുന്ന അജ്ഞാതനെതിരെ പൊലീസ് കേസെടുത്തു. കഴിഞ്ഞ കുറച്ച് ദിവസങ്ങളായി മേഖലയില്‍ ഇത്തരത്തില്‍ മോഷണം നടക്കുന്നുണ്ട്. ഗൗസ്‌പുര പ്രദേശവാസിയായ ഭഗത് കോറി നല്‍കിയ പരാതിയെ തുടര്‍ന്നാണ് വിഷയത്തില്‍ പൊലീസ് കേസ് രജിസ്റ്റര്‍ ചെയതത്‌.
മോഷണത്തിന്‍റെ സിസിടിവി ദൃശ്യങ്ങള്‍ പൊലീസിന് ലഭിച്ചു. സെപ്‌റ്റംബര്‍ മൂന്നിനാണ് സംഭവം. രാത്രിയില്‍ കോറിയുടെ വീട്ടിലെത്തിയ മോഷ്‌ടാവ് അടിവസ്‌ത്രവും പോക്കറ്റിലുണ്ടായിരുന്ന 500 രൂപയും മോഷ്‌ടിച്ച് കടന്ന് കളഞ്ഞു. ഗ്വാളിയോറില്‍ നിന്നുള്ളയാളാണ് മോഷണം നടത്തിയതെന്ന് ദൃശ്യങ്ങളില്‍ നിന്ന് വ്യക്‌തമായിട്ടുണ്ടെന്ന് പൊലീസ് പറഞ്ഞു.