കൊല്ലം: പത്തനാപുരം കടശേരിയില്‍ കാട്ടുപന്നിയെ വേട്ടയാടി ഇറച്ചി വില്‍പന നടത്തുന്ന സംഘത്തിലെ ഒരാള്‍ വനംവകുപ്പിന്‍റെ പിടിയില്‍. പുന്നല പാലയ്ക്കൽ പുത്തൻ വീട്ടിൽ അനിൽകുമാർ ( 46 ) ആണ് അറസ്റ്റിലായത്. സംഘത്തിലെ മുഖ്യപ്രതിയായ പുന്നല സ്വദേശി സന്തോഷ് ഓടി രക്ഷപ്പെട്ടു.
മൃഗവേട്ട സംഘത്തിലെ ഒരാള്‍ പിടിയില്‍
കമ്പി വേലിയിലൂടെ വൈദ്യുതി കടത്തി വിട്ടാണ് സംഘം മൃഗ വേട്ട നടത്തിയിരുന്നത്. വേട്ടയാടിയ കാട്ടുപന്നിയെ വില്‍പനയ്ക്കായി കൊണ്ടുപോകുമ്പോഴാണ് പ്രതികള്‍ പിടിയിലായത്. മേഖലയില്‍ മൃഗ വേട്ട നടക്കുന്നുണ്ടെന്ന് വനം വകുപ്പിന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ നടത്തിയ പരിശോധനയിലാണ് പ്രതികള്‍ പിടിയിലാകുന്നത്.