35 ലക്ഷം രൂപയുമായി മുങ്ങി 11 വയസുകാരൻ : വീഡിയോ പുറത്ത്

പട്യാലയിൽ എസ്ബിഐ ബാങ്കിന്‍റെ പ്രധാന ബ്രാഞ്ചിൽ നിന്ന് 35 ലക്ഷം രൂപയുമായി 11 വയസുകാരൻ കടന്നുകളഞ്ഞു ; ദൃശ്യങ്ങൾ പുറത്ത്

പട്യാല(പഞ്ചാബ്) : നഗരത്തിലെ ഷേരൻവാല ഗേറ്റിലുള്ള എസ്ബിഐ ബാങ്കിന്‍റെ പ്രധാന ബ്രാഞ്ചിൽ നിന്ന് 35 ലക്ഷം രൂപയുമായി 11 വയസുകാരൻ മുങ്ങി. ചൊവ്വാഴ്‌ചയായിരുന്നു നടുക്കുന്ന സംഭവം. ഇതിന്‍റെ ദൃശ്യങ്ങള്‍ സിസിടിവി ക്യാമറയിൽ പതിഞ്ഞിട്ടുണ്ട്.

ആർക്കും പ്രവേശനമില്ലാത്ത ഭാഗത്തേക്ക് കുട്ടി കടന്ന് ചെല്ലുകയും പണമെടുത്ത് കടന്നുകളയുകയുമായിരുന്നുവെന്ന് ബാങ്ക് അധികൃതര്‍ പറയുന്നു. പൊലീസ് കേസെടുത്ത് അന്വേഷണമാരംഭിച്ചു. കുട്ടിക്കുവേണ്ടിയുള്ള തിരച്ചില്‍ ഊര്‍ജിതമാക്കിയിട്ടുണ്ട്. നഗരത്തിലെ സിസിടിവി ദൃശ്യങ്ങളും പൊലീസ് പരിശോധിക്കുന്നുണ്ട്.