ഹൈദരാബാദ് :തെലങ്കാനയിലെ ജെഫര്‍ഗയില്‍പ്രണയം നടിച്ച് പതിനാറുകാരിയെ പീഡിപ്പിച്ച് ദൃശ്യങ്ങള്‍ പകര്‍ത്തിയ സംഭവത്തില്‍ രണ്ട് പേര്‍ അറസ്റ്റില്‍. ശ്രീപാതിപ്പള്ളി സ്വദേശി ഗുറം ശ്യാം, തുപാകുല സാംബരാജു എന്നിവരാണ് അറസ്റ്റിലായതെന്ന് ജനഗാമയിലെ വാര്‍ത്ത സമ്മേളനത്തില്‍ എസിപി രഘുചൗധരി പറഞ്ഞു. ഗുറം ശ്യാമാണ് പെണ്‍കുട്ടിയോട് പ്രണയം നടിച്ച് പീഡനത്തിനിരയാക്കിയത്.
ഇയാള്‍ പെണ്‍കുട്ടിയെ പീഡിപ്പിക്കുന്നതിന്‍റെ ദൃശ്യങ്ങള്‍ സാംബരാജു മൊബൈലില്‍ പകര്‍ത്തുകയായിരുന്നു. തുടര്‍ന്ന് മൊബൈലിലെ ദൃശ്യങ്ങള്‍ കാണിച്ച് ഭീഷണിപ്പെടുത്തി. മാത്രമല്ല ഇവരുടെ പക്കലുള്ള വീഡിയോ കാണിച്ച് മറ്റ് നാല്‌ പെണ്‍കുട്ടികളെ കൂടി ഭീഷണിപ്പെടുത്തിയതായും പൊലീസ് അറിയിച്ചു.