പാലക്കാട് : പാലക്കാട് നഗരത്തിലെ ലോഡ്‌ജിൽ സിനിമാപ്രവർത്തകർ തമ്മിലുണ്ടായ സംഘര്‍ഷത്തില്‍ ഒരാൾക്ക് വെട്ടേറ്റു. വടകര പുത്തൂർ വലകെട്ടിൽ വീട്ടിൽ സിജാറി (40)നാണ്‌ കഴുത്തിൽ വെട്ടേറ്റത്. ഇയാളെ തൃശൂർ മെഡിക്കൽ കോളജ്‌ ആശുപത്രിയിൽ പ്രവേശിപ്പിച്ചു.
സംഭവത്തില്‍ തിരുവനന്തപുരം നേമം സ്വദേശി പുരുഷോത്തമനെ(ഉത്തമൻ-60) ടൗൺ സൗത്ത് പൊലീസ് അറസ്റ്റ് ചെയ്‌തു. വധശ്രമത്തിനാണ് ഇയാൾക്കെതിരെ കേസെടുത്തത്. പാലക്കാട് ചിത്രീകരണം നടക്കുന്ന മലയാള സിനിമയിലെ പ്രൊഡക്‌ഷൻ വിഭാഗത്തിൽ ജോലി ചെയ്യുന്നവരാണ് ഇരുവരും.