കൊല്ലം: കടയ്ക്കല് ബസ് സ്‌റ്റാന്‍ഡിന് സമീപം പാര്‍ക്ക് ചെയ്‌തിരുന്ന ഇരുചക്രവാഹനം മോഷ്‌ടിച്ച പ്രതി പിടിയില്‍. സംഭവവുമായി ബന്ധപ്പെട്ട് സൈക്കിള്‍ മെക്കാനിക്കായ കാവനാട് സ്വദേശി അരുണിനെ (30) പൊലീസ് അറസ്റ്റ് ചെയ്‌തു. സിസടിവി ദൃശ്യങ്ങള്‍ അടിസ്ഥാനമാക്കിയുള്ള പരിശോധനയിലാണ് അന്വേഷണ സംഘത്തിന്‍റെ നടപടി.
കടയ്ക്കല് ബസ് സ്‌റ്റാന്‍ഡിന് സമീപം പാര്‍ക്ക് ചെയ്‌തിരുന്ന ഇരുചക്രവാഹനം മോഷ്‌ടിച്ച പ്രതിയെ പൊലീസ് പിടികൂടി
ടെക്‌സ്റ്റൈല്‍സ് ജീവനക്കാരനായ ഐരക്കുഴി സ്വദേശി ബിജുവിന്‍റെ ബൈക്കാണ് മോഷണം പോയത്. ജോലി കഴിഞ്ഞ് മടങ്ങവെയാണ് വാഹനം നഷ്‌ടമായ വിവരം ഉടമ അറിയുന്നത്. ഉടന്‍തന്നെ ബിജു കടയ്ക്കല് പൊലീസ് സ്റ്റേഷനില്‍ പരാതി നല്‍കുകയായിരുന്നു.