എറണാകുളം:മംഗളൂരു സ്‌ഫോടനക്കേസിലെ പ്രതി ഷാരിഖ് ആലുവയില്‍ എത്തിയതിന്‍റെ കൂടുതല്‍ തെളിവുകള്‍ അന്വേഷണ സംഘത്തിന്. സെപ്‌റ്റംബര്‍ 13 മുതല്‍ 18 വരെ അഞ്ച് ദിവസമാണ് ഷാരിഖ് ആലുവയില്‍ തങ്ങിയത്. ആലുവയിലെ വിവിധ കേന്ദ്രങ്ങളില്‍ എ ടി എസ് പരിശോധന നടത്തി. വിഷയം ചർച്ച ചെയ്യാൻ കേന്ദ്ര-സംസ്ഥാന സുരക്ഷ ഏജൻസികളുടെ ഉന്നതതല യോഗം കൊച്ചിയിൽ ചേർന്നു.
ആലുവയിലെ ലോഡ്‌ജിലായിരുന്നു ഷാരിഖ് താമസിച്ചത്. ലോഡ്‌ജിലും ഇയാള്‍ എത്തിയ മറ്റ് സ്ഥലങ്ങളിലും റെയ്‌ഡ് നടത്തിയ എ ടി എസ് ലോഡ്‌ജ് ഉടമയില്‍ നിന്നും വിവരങ്ങള്‍ ശേഖരിച്ചു. അതേസമയം ആലുവയിലെ താത്കാലിക വിലാസം നല്‍കി ഓണ്‍ലൈന്‍ വ്യാപാര സ്ഥാപനങ്ങളില്‍ നിന്നും ചില സാധനങ്ങളും ഷാരിഖ് വാങ്ങി.