തിരുവനന്തപുരം:നെയ്യാറ്റിൻകര പുലിയൂർ ശാലയിൽ വീട് അടിച്ചു തകർത്ത് തീയിട്ട ശേഷം ഗൃഹനാഥൻ തൂങ്ങിമരിച്ചു. പുലിയൂർ ശാല പൊട്ടൻചിറ വാഴവിള കുഴി വീട്ടിൽ കുമാർ (45) ആണ് മരിച്ചത്. ഇന്ന് രാവിലെയായിരുന്നു (26 ജനുവരി 2022) സംഭവം.
വീട് അടിച്ചു തകർത്ത് തീയിട്ട ശേഷം ഗൃഹനാഥന്‍ തൂങ്ങി മരിച്ച നിലയില്‍
സംശയ രോഗത്തെ തുടർന്ന് വീട്ടിൽ കലഹം പതിവായിരുന്നു. കഴിഞ്ഞ ദിവസവും കുമാർ ഭാര്യ സുലജയേയും കുട്ടികളെയും മർദിച്ചിരുന്നു. തുടർന്ന് പൊലീസെത്തി ഇവരെ ബന്ധുവീട്ടിലേക്ക് മാറ്റി. പ്രകോപിതനായ കുമാർ വീട്ടിലെ മുഴുവൻ ജനൽ ചില്ലുകളും ഫർണിച്ചറുകളും അടിച്ചുതകർത്തു. തുടർന്ന് ഇന്ന് രാവിലെ വീട്ടിൽ പെട്രോൾ ഒഴിച്ചശേഷം കിടപ്പു മുറിയിൽ തൂങ്ങി മരിക്കുകയായിരുന്നു.