താനെ (മഹാരാഷ്‌ട്ര): പ്രഭാതഭക്ഷണത്തില്‍ ഉപ്പ് കൂടിയതിന് ഭര്‍ത്താവ് ഭാര്യയെ കഴുത്തുഞെരിച്ച് കൊന്നു. 40 കാരി നിര്‍മലയാണ് മരിച്ചത്. ഭര്‍ത്താവ് നിലേഷ് ഘാഗിനെ (46) പൊലീസ് അറസ്‌റ്റ് ചെയ്‌തു.വെള്ളിയാഴ്‌ച രാവിലെ താനെ ജില്ലയിലെ ഭയന്ദർ ടൗൺഷിപ്പിലെ ഇവരുടെ വീട്ടിലാണ് സംഭവം.
രാവിലെ ഭക്ഷണം കഴിച്ചതിന് ശേഷം, ഉപ്പ് കൂടിയതിനെക്കുറിച്ച് പ്രതി ഭാര്യയുമായി വാക്കുതര്‍ക്കത്തിലേര്‍പ്പെട്ടു. തുടര്‍ന്ന് വീട്ടിലെ മറ്റ് അംഗങ്ങള്‍ നോക്കി നില്‍ക്കെ ഇയാള്‍ നീളമുള്ള തുണി ഉപയോഗിച്ച് കഴുത്തില്‍ മുറുക്കി കൊലപ്പെടുത്തുകയായിരുന്നു. അക്രമണത്തിന് പിന്നാലെ നിലേഷ് വീട്ടില്‍ നിന്നും ഇറങ്ങി ഓടി.